Almatyda aiyppul tólemei júrgenderdi "aýlaý" bastaldy
Jol politsiiasynyń avtokólik brigadalary kólik kóp júretin jerlerde synaq jasap kórip júr. Ákimshilik aiyppuldar boiynsha bereshegi bar boryshkerlerdi avtomatty túrde anyqtaityn jol qaýipsizdigin retteitin avtomatty sáikestendirý júiesi ("BDD" AIS) men "Sergek" ABK da qoldanylady.
• Eger júie qozǵalystaǵy kóliktiń jol erejesin buzǵanyn anyqtasa, inspektor kólikti toqtatady jáne toqtatý sebebin túsindiredi.
• Ári qarai, quqyq buzýshynyń kóligi aiyp turaǵyna qoiylady.
• QR Ákimshilik quqyq buzýshylyq týraly kodeksine sáikes kólikti aiyp turaǵyna qoiý boiynsha hattama toltyrylady.
• Tárkilengen avtokóliktiń iesi aiyppuldy tolyǵymen ótegen soń ǵana múlki qaitarylady.
Sondai-aq, bul sharaǵa Óńirlik jeke sot oryndaýshylar palatasynyń sot oryndaýshylary men Almaty qalasy prokýratýrasynyń qyzmetkerleri qatysady.
