Almatyda avtobýsta 4,1 mln teńge urlaǵan adam ustaldy, dep habarlaidy Dalanews.kz.
Qoǵamdyq kólikte urlyq jasady degen kúdikpen áiel adam ustalǵan. Tergeý barysynda kúdikti tańerteńgi ýaqytta avtobýs ishinde jolaýshynyń sómkesinen qarajatty, sondai-aq, altyn buiymdardy urlaǵany anyqtaldy.
Keltirilgen materialdyq shyǵynnyń jalpy somasy 4,1 million teńgeden asty.
"Jedel tergeý is-sharalary barysynda kúdiktiniń qylmysqa qatysy bary tolyq dáleldendi. Tintý kezinde urlyq deregin rastaityn zattai dálelder, onyń ishinde urlanǵan múliktiń bir bóligi tárkilendi. Sonymen qatar, kúdiktiniń kinási qoǵamdyq kólik salonynda ornatylǵan beinebaqylaý kameralarynyń jazbalarymen de dáleldenip otyr. Bul derek boiynsha qylmystyq is qozǵalyp, kúdikti ýaqytsha ustaý izoliatoryna qamaldy. Qazir tergeý amaldary jalǵasyp jatyr", – dedi Almaty Politsiia departamenti kriminaldyq politsiia basqarmasynyń bastyǵy Ashat Dáýletiiarov.
