Joǵary aýditorlyq palata Almaty qalasynda júrgizgen aýdit qorytyndysy shyǵaryldy, dep habarlaidy Dalanews.kz.
Almaty qalasynda biýdjet qarajaty men aktivteriniń paidalanylý tiimdiligine memlekettik aýdit júrgizildi (1 qańtar men 17 qyrkúiek aralyǵy qamtyldy). Aýdit qorytyndysy QR Joǵary aýditorlyq palatasynyń otyrysynda qaraldy.
Búgingi tańda Almaty respýblikanyń eń iri ekonomikalyq ortalyǵy bolyp otyr. Halyqtyń 11%-dan astamy turatyn qala.
JIÓ-niń shamamen 22%-yn quraidy. Alaida qala ekonomikasy áli de negizinen saýda men kórsetiletin qyzmetterge baǵdarlanǵan, al óndiristik jáne innovatsiialyq sektorlardyń damý serpini tómen. Bul Almatynyń ósý qarqynyn tejeidi.
Joǵary aýditorlyq palata júrgizgen tekserý barysynda josparlaý, basqarý jáne baqylaý salasynda kemshilikter men jekelegen buzýshylyqtar anyqtaldy.
Máselen, Almatynyń 2021-2025 jyldarǵa arnalǵan damý jospary únemi túzetýler engizilýine qaramastan, basqarýdyń aitarlyqtai tiimdi quralyna ainalmady. Aýdit barysynda josparlanǵan is-sharalardy tolyq qarjylandyrmaý praktikasy anyqtaldy. Bul jekelegen nysanaly indikatorlarǵa qol jetkizýge múmkindik bermeidi.
365-ten 2025 jyly 529-ǵa deiin ósýine qaramastan, olardy iske asyrýda kemshilikter bar.
Mysaly, 2021 jyly jasalǵan Jas Qanat shaǵyn aýdanynda 41 kóppáterli úi salý jobasy boiynsha aýdit kezinde 7 úi qurylysy aiaqtalmaǵan, al taǵy 12-si irgeles aýmaqtyń abattandyrylmaýyna bailanysty kommýnaldyq menshikke berilmegen.
Tekserý barysynda Qalalyq mobildilik basqarmasynyń jumysyna qatysty da kóptegen suraq týyndady. Basqarma 2022-2025 jyldary tasymaldaýshylarǵa 2,3 mlrd teńgege negizsiz sýbsidiialar tóleýge jol bergen.
Aýditorlyq qorytyndyǵa sáikes Jer qatynastary basqarmasy jer ýchaskelerin bólý kezinde ashyqtyqty arttyryp, olardyń nysanaly paidalanylýyna baqylaýdy kúsheitýi qajet. Qurylys tyǵyzdyǵynyń saqtalmaýy nátijesinde injenerlik jáne kólik infraqurylymyna júkteme ulǵaia tústi, sondai-aq qala turǵyndary úshin áleýmettik igilikterge qadamdyq qoljetimdiliktiń bolmaýyna ákeldi.
«Almaty» áleýmettik-kásipkerlik korporatsiiasynyń qyzmetine keletin bolsaq, aýditorlardyń pikirinshe, ÁKK tiimsiz jumys isteidi. Máselen, turǵyn úi qurylysyna arnalǵan shamamen 30 mlrd teńge biýdjettik investitsiialar úsh jylǵa jýyq igerilmegen kúiinde qalyp otyr.
ÁKK sonymen qatar azyq-túlik baǵasyn turaqtandyrýǵa tolyq kólemde qol jetkize almady. Biýdjettik kreditter tiimsiz paidalanylǵan jáne qarjy quraldaryna ornalastyrylǵan.
Jalpy aýdit qorytyndysy boiynsha 203 mlrd teńgeden astam somaǵa qarjylyq buzýshylyqtar anyqtaldy. Tekserý júrgizý kezinde onyń 26 mlrd teńgeden astamy óteldi, sondai-aq esepke alý boiynsha jáne jumystardy oryndaý jolymen 83 mlrd teńgeden astamy qalpyna keltirildi.
Ákimshilik quqyq buzýshylyq belgileri bar 417 fakt boiynsha materialdar ákimshilik is júrgizýdi qozǵaý úshin ýákiletti organdarǵa berildi.
