Qazaqstannyń halyq ártisi Asanáli Áshimovtiń qurmetine orai Almatydaǵy memlekettik arhivte “Kino jáne teatr tarlany – Asanáli” mýzei-buryshynyń saltanatty ashylýy ótedi, dep habarlaidy Dalanews.kz.
Óner iesi óziniń qoljazbalaryn, ordenderin jáne ózge de zattaryn arhivke tapsyrmaq.
“Qazaqstannyń Eńbek Eri, Qazaqstan jáne KSRO halyq artisi, KSRO jáne QR memlekettik syilyqtarynyń laýreaty, Qazaqstan teatrlar assotsiatsiiasynyń prezidenti, teatr pedagogi, professor Asanáli Áshimov óziniń qoljazbalaryn, marapattaryn, fotoalbomdaryn, syilyqtaryn, kitaptaryn, ordenderin, tósbelgileri men basqa da jeke zattaryn resmi túrde Memlekettik arhivke tapsyrady” - delingen Almaty qalalyq Mádeniet basqarmasynyń málimetinde.
