Almaty qalasy ákimdigi shahardaǵy qoǵamdyq uıymdardyń 2023 jylǵy 22 sáýirde Almaty Clean & Green ekologıalyq aksıasyn ótkizý jónindegi bastamasyn qoldady. Aksıa búkil qala boıynsha ótedi.

Jalpyqalalyq senbilikti ótkizýdiń bastamashylary – Qazaqstannyń kógaldandyrýshylar qaýymdastyǵy, ECONETWORK, «Posadiderevo.kz» RQB, «Sporttyq týrıser dostastyǵy» QU. Qoǵamdyq uıymdar áleýmettik jelilerde is-sharany uıymdastyrý kezinde ekologıalylyqqa basa nazar aýdara otyryp, aksıany zamanaýı formatta ótkizýge shaqyrdy.

– 22 sáýir – Dúnıejúzilik jer kúni. Týǵan jerge qamqorlyq jasaıtyn ýaqyt keldi. Baým toǵaıynda «Almaty Clean & Green» ekosenbiligin ótkizeıik! Ókinishke oraı, aýmaqtyń tazalyǵy kóńil kónshitpeıdi. Mundaı keleńsizdikti adamdar jasaıdy. Jaraıdy, biz olarǵa óz jerimizdi qalaı taza ustaýǵa bolatynyn kórsetemiz. Oǵan qosa, aǵash otyrǵyzamyz, – dedi ECONETWORK.GREEN bashysy Evgenıı Muhamedjanov almatylyqtarǵa arnaǵan úndeýinde.

– Biz erekshe energıasy bar ádemi qalada turamyz. Súıikti qalanyń taza kóshelerde júrip, balalarmen kútimi jaqsy aýlada serýendegenge ne jetsin. Qystan shyqqan qalaǵa bizdiń qamqorlyǵymyz qajet. Biz, Qazaqstannyń kógaldandyrý qaýymdastyǵy jáne Almaty qalasynyń ekoaktıvısteri barlyq qamqor turǵyndardy Almaty Clean & Green senbiligine qatysýǵa shaqyramyz. Qalamyzdy jasyl, ádemi jáne taza etip jasaıyq! Tazalyq ákeleıik, mereke uıymdastyraıyq! – dep jazdy áleýmettik jelilerde «Qazaqstannyń kógaldandyrýshylar qaýymdastyǵy» ZTBB jetekshisi Tatána Antonenko.

Almaty ákimdigi tarapynan qajetti zattardy (qolǵap, qap, kúrek, tyrma), kóshetterdi berý, aksıaǵa qatysýshylardy aýyz sýmen jáne tamaqpen qamtamasyz etý, sondaı-aq polıgonǵa qoqys shyǵarýdy uıymdastyrý boıynsha qoldaý kórsetiletin bolady. Aýdan ákimdikteri qoǵamdyq uıymdardyń bastamasyn qoldap, jergilikti senbilikter ótkizedi.

Aksıa barysynda túrli tanymdyq-oıyn-saýyq is-sharalary (ıoga, zumba dance, jattyǵýlar, fleshmobtar jáne t.b.) qarastyrylǵan, landshafty kógaldandyrýdyń jetekshi sarapshylarynan ósimdikterdi otyrǵyzý, ataqty strıt-art sýretshilerinen sýretter salý jáne graffıtı jasaý boıynsha sheberlik sabaqtary ótetin bolady.

Almaty Clean & Green ekologıalyq aksıasy barysynda barlyǵy 5 myńǵa jýyq aǵash otyrǵyzý josparlanýda.

Anyqtama úshin telefondar: 1308, +7 727 338 33 88.

Negizgi is-sharalardy ótkizý úshin qoǵamdyq uıymdar kelesi oryndardy anyqtady:

Túrksib aýdanynda:

1. «Jeltoksan-86» saıabaǵy – «Posadiderevo.kz» RQB


2. Baým toǵaıy – ECONETWORK birge

 

Jetisý aýdanynda:

1. Kókjıek sh/a – Qazaqstannyń kógaldandyrýshylar qaýymdastyǵymen birge

 

Medeý aýdanynda:

1. Kishi Almaty ózeniniń aýmaǵy, Bellagio meıramhanasynyń oń jaǵy – «Sporttyq týrıser dostastyǵy» QU

 

Almaly aýdanynda

1. Saıran kóliniń shyǵys jaǵalaýy – «Greenup.kz» QQbirge «Taza oıyndar» ekologıalyq aksıasy

Sondaı-aq, qalanyń qalǵan aýdandarynda (21 ýchaske)aýmaqty jınaý jáne aǵash otyrǵyzylady:

Medeý aýdanynda:

1. Alataý sh/a Ibragımov kóshesi boıymen (qala shekarasynan «Inovasıalyq tehnologıalar parki») AEA shekarasyna deıin


2. Kishi Almaty ózeni boıynda («AB» meıramhanasynan Mıtın kóshesine deıin)


3. Dýman-3 shaǵyn aýdanynyń taý bókteri

Áýezov aýdanynda:

1. Altynsarın dańǵyly Jandosovtan Qabdolov kóshesine deıin


2. Momyshuly kóshesi Shalápınnen Raıymbek dańǵylyna deıin


3. Jubanov kóshesinen Momyshulynan Sadovnıkov kóshesine deıin

Alataý aýdanynda:

1. Daraboz sh/a


2. Úlken Almaty ózeni Rysqulovtan Raıymbek dańǵylyna deıin


3. Qarasý sh/a, Qarasý ózeni

Almaly aýdanynda:

1. Saıran kóliniń oń jjaǵalaýy (Tóle bı kóshesi jaǵynan kirý)


2. Úlken Almaty ózeniniń jaǵalaýy,Tóle bıden Raıymbek dańǵylyna deıin


3. «AZTM» skveri, Tóle bıden Jarokov kóshesine deıin

Bostandyq aýdanynda:

1. Gagarın býlvary, Abaıdan Jandosov kóshesine deıin


2. Ál-Farabıdaǵy skver Syrǵabekova kóshesiniń buryshy


3. Drýjba saıabaǵy Esentaı ózeni Ál-Farabıden Tımırázev kóshesine deıin.

Naýryzbaı aýdanynda:

1. Raıymbek dańǵylyndaǵy bos oryn (Alataý kóshesiniń batysy)


2. Tarǵap kóshesindegi bos jer, soltústik jaǵy


3. Dala kóshesi (jataqhana artyndaǵy bos jer)

Túrksib aýdanynda:

1. Seıfýllın saıabaǵy

Jetisý aýdanynda:

1. Soltústik aınalma, 87/7 úıdiń mańy


2. Aınabulaq-4 sh/a (saı sala)