Aldaǵy kúnderi qar jaýyp, aýa temperatýrasy tómendeýine baılanysty Almatynyń komýnaldyq qyzmeti kúsheıtilgen jumys rejımine aýystyryldy. Bul týraly qalanyń komýnaldyq ınfraqurylymdy damytý basqarmasy men turǵyn úı ınspeksıasynyń ókilderi aıtty, dep habarlaıdy Dalanews.kz.

"Qazgıdromet" RMK málimetinshe, 16 qańtarǵa qaraǵan túni Almatyda jaýǵan qar 17 qańtar keshke deıin jalǵasady. 16 qańtarda túngi jáne kúndizgi aýa temperatýrasy –5…–7 gradýs shamasynda bolady. Al 17 qańtarda túnde aýa temperatýrasy –11…–13 gradýsqa deıin tómendep, kúndiz –7…–9 gradýs shamasynda bolady.

"15 qańtardan bastap qaladaǵy barlyq komýnaldyq qyzmet kúsheıtilgen rejımde jumys isteýge kóshirildi. Óndiristik bazalarda júrgizýshiler, mehanızatorlar men jol salasy jumysshylarynyń táýlik boıǵy kezekshiligi uıymdastyryldy", - dedi ákimdik ókilderi.

Táýlik boıy 1030 arnaıy tehnıka, sondaı-aq, jeke uıymdardan tartylatyn 200 tehnıka men 2710 jol salasy jumysshysy jumyldyrylady.