Almatyda AES-tiń salynýyna qarsy shyqqan alty belsendi eki aiǵa qamaýǵa alyndy, - dep habarlaidy Dalanews.kz.
Bul týraly qoǵam belsendisi Abzal Dostiiarov Facebook-paraqshasynda aitty. 1 qazanda túngi 22:00 shamasynda sot otyrysy ótip, jeksenbi kúni ustalǵan alty belsendini eki aiǵa qamaýǵa alý týraly sheshim shyqqan.
"Nurlan Jaýlybaev, Nurlan Temirǵaliev, Janat Qazaqbai, Fazyljan Syzdyqovty advokat Tólegen Berliqoja qorǵaidy, al Aidar Múbarakovty advokat Ǵalym Nurpeisov qorǵaýyna aldy.
Altynshy adamnyń aty-jóni belgisiz, ol Erbolat Áýbákirov bolýy múmkin, óitkeni jeksenbide ustalǵanymen onyń ózimen de, týystarymen de bailanys joq.
Qamalǵandardyń úsheýi egde jastaǵy kisiler, olar 60-tan asqan Nurlan Jaýlybaev, Janat Qazaqbai jáne Fazyljan Syzdyqov.
54 jastaǵy Nurlan Temirǵalievtiń de densaýlyǵy nasharlap emdelip júrgen eken. Densaýlyqtary nashar, únemi dári iship júretin kisilerdi úiqamaqqa shyǵara ma degen úmit bolǵan", - deidi qoǵam belsendisi Abzal Dostiiarov.
Eske salaiyq, jeksenbi, 29 qyrkúiekte Almatyda 12 belsendi jinalǵan bolatyn. Olar Qazaqstanda AES-tiń salynýyna qarsy shyqty. Altaýy qolhatpen bosatylsa, altaýyn politsiia alyp ketti.
