Almaty qalasynda qazaqtyń bas aqyny Abaidyń 180 jyldyǵyna arnalǵan, JSDP uiymdastyrýymen «Abai rýhaniiattyń temirqazyǵy» atty ǵylymi konferentsiia ótti,-dep habarlaidy JurtMedia.kz aqparattyq-saraptamalyq portaly.
Konferentsiia Almaty qalasyndaǵy alǵashqy qarashańyraq sanalatyn, altynshy kitaphanada ótti. Jiynda túrkitanýshy, abaitanýshy ǵalymdar, BAQ ókilderi men stýdent jastar qatysty.
Ǵylymi jiynǵa kelgen qonaqtar Abaidyń kópshilikke tanys emes, jańa qyrlarymen tanys boldy. Is sharaǵa moderatorlyq etken belgili qoǵam qairatkeri Ǵabiden Jákeidiń paiymdaýynsha, Abai áli tanylý ústindegi tulǵa, ol áli de zerttelýdi qajet etedi.
Abaidyń óleńderi men qara sózderinde aitylǵan oi-tujyrymdar, filosofiialyq paiymdaýlar — qazirgi zaman úshin de ózektiligin joimaǵan. Onyń adamgershilik, bilim, eńbek, ádilet, din jáne ult bolmysy jaily kózqarastary búgingi qoǵam úshin mańyzdy rýhani baǵdar bola alady. Abaidyń “tolyq adam” kontseptsiiasy — zamanaýi tárbieniń negizine ainalarlyq tereń ilim -, deidi Ǵabiden Jákei.
Al belgili túrkolog ǵalym Mahmut Qulmantegi:
Abaidy qazaq aqyndyǵy sazgerligi, pálasapalyq qarasózderi, aýdarmasy men aǵartýshy retinde tanityny kámil. Alaida Abaidyń dintanýshy, qazaq ónerin tanýshy, sol zamannyń zań zakonyn jaqsy bilgendikten zańger retinde talai qazaqqa kómegi tigenin ekiniń biri bile bermeidi. Ras Muhtardy tanytqan Abai bolsa Abaidy tanytqan Muhtar, bul rette biz zańǵar jazýshymyzdyń romany arqyly qansha qyryn asha tústik kóre bildik,-dep atap ótti.
Úshinshi bolyp sóz kezegin alǵan mádenietanýshy, frantsýz tiliniń mamany SDÝ aǵa oqytýshysy Gúlmira Asylbekqyzynyń kishigirim jasap kelgen slaidy men dárisi kópshiliktiń qyzyǵýshylyǵyn artyryp jiberdi.
Abaidyń 175 jyldyǵyna orai (2020 jyly) Qazaqstan úkimeti men halyqaralyq uiymdardyń qoldaýymen onyń shyǵarmalary kóptegen tilge resmi túrde aýdarylyp, álem elderinde taratyldy. Búginde alpystan astam tilge aýdarylǵan-, deidi.
Jýrnalister Marat Sábdiken men Nazym Dútbaida óz oilaryn ortaǵa salsa búgingi sharaǵa belsene qatysyp otyrǵan jastar da Abai týraly suraqtaryn qoiyp, tushymdy jaýapqa razy bolysty.
Jiyn sońynda jinalǵan kópshilik áserese jastar jaǵy Abaidyń jańa qyryn tanyǵandaryn aityp, Jalpyulttyq sotsial-demokratiialyq partiiasyna osyndai is shara ótkizgeni úshin alǵystaryn bildirdi.
Óz kezeginde JSDP Almaty qalasy boiynsha ókili Aida Kojmambetova bolsa jiynǵa kelgenderge alǵys aityp, bundai is sharalar aldaǵy ýaqytta da jalǵasatynyn aitty.
