Almaty qalasyn damytý baǵdarlamasy aıasynda 2025 jylǵa deıin ár aýdanda ekiden jalpy 16 jastar komúnıtı ortalyǵyn iske qosý josparlanǵan, olardyń 8-i jumysyn bastady, – dep habarlaıdy Dalanews.kz.

Árbir komúnıtı ortalyq kreatıvti qoǵamdyq keńistikti quraıdy. Munda jastardy qoldaý úshin qajettiniń bári bir jerde jınaqtalǵan: bul ártúrli memlekettik baǵdarlamalar boıynsha keńes berý, psıhologıalyq jáne zańgerlik kómek, NEET jastaryn qysqa merzimdi kýrstar arqyly ózekti mamandyqtarǵa oqytý jáne jumysqa ornalastyrý.

Komúnıtı ortalyqtar jastardy qyzyǵýshylyqtaryna qaraı biriktire otyryp, boıyndaǵy kúsh jigeri men áleýetin ózine, tıisinshe qoǵamǵa paıdasyn tıgizýge baǵyttaý.

Almatyda 14 pen 35 jas aralyǵyndaǵy 680 myńǵa jýyq jas turady. Onyń 7,3% jumyspen nemese oqýmen qamtylmaǵan, ıaǵnı NEET jastary.

Jastar saıasatynyń basty maqsaty – árbir jas almatylyqqa qoǵamda óz áleýetin iske asyrýǵa jáne qoǵamnyń tolyqqandy múshesi bolýǵa kómektesý. Al komúnıtı ortalyqtar jastardy áleýmettendirýdiń mańyzdy quraly bolýǵa baǵyttalǵan.

Bul jumys qazirdiń ózinde alǵashqy nátıjelerin berdi. Eger 2023 jyldyń basynda NEET jastardyń úlesi 8,3%  qurasa, qazir bul kórsetkish 1% - ǵa tómendedi.

Aıta ketý kerek, 2025 jyldyń sońyna deıin qalamyzda taǵy 8 komúnıtı ortalyq ashý josparlanǵan.

 

Komúnıtı ortalyqtardyń qyzmetteri

       qysqa merzimdi kýrstar arqyly ózekti mamandyqtarǵa oqytý;

       jumysqa ornalastyrý;

       ártúrli memlekettik baǵdarlamalar boıynsha keńes berý;

       psıhologıalyq jáne zańgerlik kómek;

       kásibı baǵdar berý;

       qazaq tilin úırený kýrsy;

       qarjylyq saýattylyq;

       mádenı is-sharalar ótkizý;

       bı zaly;

       daýys jazý stýdıasy;

       Tık-tok aımaǵy.

 



Komúnıtı ortalyqtardyń mekenjaıy

Áýezov aýdany – Mamyr-1 y/a, 26/1;

Alataý aýdany – Saıaly y/a, 71;

Medeý aýdany – Nazarbaev dańǵyly, 36;

Almaly aýdany – Baıtursynov kóshesi, 22/1;

Túrksib aýdany – Jas Qanat y/a, 1/49;

Bostandyq aýdany – Abaı dańǵyly, 164 «Terakota» TK;

Jetisý aýdany – Botkın kóshesi, 20;

Naýryzbaı aýdany – Shuǵyla y/a, 343/7.

 

Komúnıtı ortalyqtardyń baılanys telefondary

1. Alataý aýdany: +7 707 168 1028;


2. Almaly aýdany: +7 777 122 8901;


3. Áýezov aýdany: +7 707 556 7861;


4. Bostandyq aýdany: +7 775 583 8015;


5. Jetisý aýdany: +7 708 334 4539;


6. Túrksib aýdany: +7 708 390 1363;


7. Naýryzbaı aýdany: +7 707 663 6949;


8. Medeý aýdany: +7 707 571 7104.

Komúnıtı ortalyqtardyń jumys ýaqyty

Dúısenbi – jeksenbi, demalyssyz

Ýaqyty: 10.00-den 19.00-ge deıin.