Almatyda «Biryńǵaı beınemonıtorıng júıesi» jobasyn júzege asyrý jalǵasyp keledi.
Bul týraly qalanyń sıfrlandyrý basqarmasy men Almaty ákimdiginiń jobalyq keńsesi habarlady.
BBJ jobasynyń negizgi mindeti – qaladaǵy barlyq beınebaqylaý kameralaryn bir platformaǵa biriktirip, túrli tapsyrmalarǵa arnalǵan beıneaǵyndardy kóp márte paıdalaný jáne naqty ýaqyt rejıminde beıne taldaý qalyptastyrý.
Beıne taldaý tútindi, otty, qalǵan zattardy, tabıǵı jáne tehnogendik sıpattaǵy tótenshe oqıǵalardy, kıimdi, jynysty jáne bet-álpetti taný jáne t.b. negizinde qalyptasady.
Qazirgi ýaqytta 603 memlekettik jáne 906 jeke nysan beıneaǵyndaryn BBJ-ǵa qosý jumystary júrgizilýde.
Búginde biryńǵaı beınemonıtorıng júıesine 45 myń beınekamera qosylǵan.
