Almaty qalasynyń kommýnaldyq infraqurylymdy damytý basqarmasy "Almaty jastary" baǵdarlamasy aiasynda ótinimderdi qabyldaý qorytyndysyn shyǵardy, dep habarlaidy Dalanews.kz.
Ótinimderdiń eń kóp sany bilim berý salasynyń ókilderinen tústi – 2191. Budan keiin densaýlyq saqtaý (1381), jumys isteitin jastar (881), JOO jáne ǴZI (635), kommýnaldyq qyzmetter (428), mádeniet (360), quqyq qorǵaý organdary (343), Áleýmettik sala (245), sport (86) jáne jýrnalistika (76) salalary.
2025 jyly baǵdarlama aiasynda turǵyn úi satyp alýǵa keminde 2550 zaem berý josparlanyp otyr. Onyń ishinde 1050 zaem "Jumys isteitin jastar" baǵdarlamasynyń jalǵa alýshylaryna arnalǵan.
Sonymen qatar birqatar baǵyttar boiynsha kvotalar anyqtaldy:
- Bilim – keminde 350 zaem;
- Densaýlyq saqtaý keminde 350 zaem;
- Respýblikalyq kásiporyndar men uiymdardyń qyzmetkerleri jalpy kólemniń 5%-ynan aspaidy;
- Quqyq qorǵaý organdary 5%-dan aspaidy.
Baǵdarlama nátijesi boiynsha 3412 qatysýshyǵa qatysty oń sheshim shyǵaryldy. Maquldanǵan ótinimderdi salalar boiynsha bólý:
- Bilim – 994;
- Densaýlyq saqtaý – 630;
- Jumys isteitin jastar – 759;
- Respýblikalyq memlekettik uiymdardyń qyzmetkerleri – 249;
- Quqyq qorǵaý organdary – 167;
- Qalǵan salalar – 613.
Maquldanǵandardyń qatarynda "Jumys isteitin jastar" baǵdarlamasynyń 759 jalǵa alýshysy bar, olarǵa "Otbasy bank" AQ-ǵa joldamalar berilgen.
Úsh kezeńde 1500 qatysýshy tólem qabiletin rastaý úshin bankke joldama alady. Olar 15 jumys kúni ishinde banktiń qyzmet kórsetý ortalyǵyna habarlasýy kerek. Tólem qabileti rastalǵan jaǵdaida qatysýshylar 45 kúntizbelik kún ishinde bastapqy nemese qaitalama naryqtaǵy turǵyn úidi tańdai alady.
Qosymsha 1153 qatysýshy negizgi quramdy baǵalaý aiaqtalǵanǵa deiin rezervtik tizimge engizildi. 3214 ótinish berýshi tizimnen shyǵaryldy. Onyń negizgi sebepteri:
- Jumys ornynyń baǵdarlama talaptaryna sáikes kelmeýi;
- Menshiginde turǵyn úidiń bolýy;
- Qajetti anyqtamalardyń bolmaýy;
- Sońǵy 6 aida zeinetaqy aýdarymdarynyń bolmaýy jáne basqalar.
Eske salaiyq, Almaty ákimi Erbolat Dosaevtyń tapsyrmasy boiynsha 2025 jyly baǵdarlamanyń sharttary jańartyldy:
Qaryzdyń eń joǵary somasy 18 million teńgeden 20 million teńgege deiin ulǵaityldy;
Baǵdarlamany qamtý "jumys isteitin jastardyń" 1050 jalǵa alýshysyn qosa alǵanda, keminde 2550 adamdy quraidy.
Budan basqa, jumys isteitin jastar qataryndaǵy qatysýshylarǵa Almatyda nemese Almaty oblysynda jeke turǵyn úi satyp alý múmkindigi berildi.
Baǵdarlama nátijesin myna siltemege ótip kórýge bolady.
