Osy jyly jańǵyrtylǵan ýchaskeniń uzaqtyǵy 1 097,5 metrdi qurady.
Almatyda Qojanov kóshesiniń boiymen Radostovets kóshesinen bastap E. Serkebaev dańǵylyna deiin jáne Esqaraev kóshesiniń boiymen Rozybakiev kóshesinen bastap E. Serkebaev dańǵylyna deiin tóselgen qubyrjoldy aýystyrý jumystary aiaqtaldy, dep habarlaidy ákimdiktiń baspasóz qyzmeti.
Aýystyrylǵan qubyrjol 1976 jyly paidalanýǵa engizildi jáne qazirgi ýaqytta 19 kóppáterli turǵyn úilerdi, eki balabaqshany jáne basqa da 39 obektini jylýmen jáne ystyq sýmen qamtamasyz etip otyr, sonymen qatar ystyq sý berýdiń úlestirilýin qamtamasyz etedi jáne "Orbita" men "Iýjnyi" qazandyqtaryn bir-birimen bailanystyrady.
"Jalpy, aǵymdaǵy jyly Almaty qalasynyń ákimi Erbolat Dosaevtyń tapsyrmasy boiynsha 20 km jylý jelileri jańǵyrtyldy. Jyl saiyn jańǵyrtý jylytýaralyq kezeń ishinde júrgiziledi, biylǵy jyly mundai jumystar Almatynyń alty aýdanynda iske asyryldy. Jylýmen jabdyqtaý jelileri jańǵyrtylǵan ýchaskelerdi abattandyrý aýa raiy jaǵdailaryn eskere otyryp, kezeń-kezeńimen júrgizilip jatyr", – delingen habarlamada.
