Almaty turǵyny TikTok-taǵy jazbasy úshin jazaǵa kesildi

Qarakóz Amantaı 07 maý. 2024 11:47 3643

Almaty turǵyny áleýmettik jelide er adamdy qorlaıtyn post jarıalaǵany úshin sottaldy, dep habarlaıdy Dalanews.kz.

2023 jyldyń qarashasynda K. balasyna mysyq alý úshin habarlandyrýlardy izdegen. Sosyn jarnamany jarıalaǵan Hakımovamen sóılesken.

"Biraz ýaqyttan keıin er adamǵa beıtanys áıel telefon soǵyp, áleýmettik jelide ol týraly aqparat jarıalanǵanyn aıtty. 2023 jyldyń 11 qarashasynda A.Hakımova áleýmettik jelide azamat K-nyń sýretimen jazba jarıalaǵan", – delingen habarlamada.

Jazbany er adamnyń otbasy men balalary da kórgen. Oqýshylar kúızeliske túsip, tipti mektepke barǵysy da kelmepti. Osydan keıin jábirlenýshi polısıaǵa aryz jazǵan.

"Hakımova óz kinásin ishinara moıyndap, postty qatelesip jarıalap, keıin birden óshirip tastaǵanyn túsindirdi. Alaıda er adam posttyń birden óshirilmegenin, uzaq kóndirgenin aıtty.Ol áıelmen tatýlaspaıtynyn aıtty", – dep málimdedi Almaty qalalyq soty.

Psıhologıalyq-fılologıalyq zertteý postta adresatqa qatysty jaǵymsyz aqparat bar ekenin málimdedi.

"Hakımova basqa adamnyń ar-namysy men qadir-qasıetine nuqsan keltiretin nemese bedeline nuqsan keltiretin kórineý jalǵan málimetterdi jarıa túrde taratqany úshin kináli dep tanylyp, oǵan 180 AEK ıaǵnı 664 560 teńge ákimshilik aıyppul salý túrindegi jaza taǵaıyndaldy", – dep habarlady sottyń baspasóz qyzmeti. 

Sot quqyqbuzýshynyń jeke basyn jáne jaýaptylyqty jeńildetetin mán-jaılardy eskere otyryp, aıyppul somasyn 30% azaıtyp, sońynda 465 192 teńge aıyppul salýdy durys dep tapty.

Almaty qalalyq sotynyń qaýlysymen birinshi satydaǵy sottyń sot aktisi zańdylyǵy men negizdiligine baılanysty ózgerissiz qaldyryldy.

Sondaı-aq sottyń baspasóz qyzmeti 11 sáýir men 23 mamyrda Hakımova isti qaıta qaraý týraly ótinishter joldaǵanyn, biraq Joǵarǵy sot buǵan negiz kórmegenin aıtty.


Usynylǵan
Sońǵy jańalyqtar