Almaty turǵyndary kómirmen jumys isteitin jylý elektr ortalyǵyn jabýdy surap, Senatqa aryz joldady, dep habarlaidy Dalanews.kz.
"Senatqa joldanǵan ótinish turǵyndardyń aýa sapasynyń nasharlaýy men densaýlyq jaǵdaiynyń qiyndaýyna, turǵyn úilerdi jeldetýdiń múmkin emestigine jáne shyǵarylǵan tútin men qaldyqtardy turaqty baqylaýǵa bailanysty jappai shaǵymdaryna negizdelgen", – dep málimdedi qoǵamdyq uiymdar QazTag agenttigine.
Senatqa joldanǵan shaǵymda Almaty qalasynyń atmosferalyq aýasynyń lastanýyna qatysty, onyń negizgi kózi kómirmen jumys isteitin Jylý Elektr Ortalyǵy - 2 ekeni aitylǵan.
Ótinishte kelesi talaptar kórsetilgen:
- táýelsiz ekologiialyq saraptama júrgizý jáne nátijelerin jariia etý;
- qalanyń sheginde kómirli jylý elektr ortalyǵynyń jumysyn zańdylyq turǵysynan baǵalaý;
- laýazymdy tulǵalardyń jeke jaýapkershiligin belgileý;
- kómirli jylý elektr ortalyǵyn kezeń-kezeńimen jabý týraly sheshim qabyldaý;
- balamaly energiia kózderine ótý jáne onyń naqty iske asyrylý merzimderin bekitý.
