Dinara – turmystaǵy kelinshek, úsh balasy bar. Kúndelikti kúibeń tirshilik pen úi sharýasynan ózine kóńil bóletin ýaqyty joq. Ómirindegi qiyndyqtarǵa qaramastan, ol óz ómirine shaǵymdanbaidy, kerisinshe baqytty. Óitkeni ómirdegi eń qymbat dúnie otbasy dep túsinedi.
Nazym – uly bar jalǵysbasty ana. Erler qaýymyna kóńili qalǵan. Restorator qyzmetin atqarady.
Záýreniń – armany bar, ol – «aq boz atty hanzada» kezdestirgisi keledi. Jolynda túrli jigitter jolyǵady, biraq eshqaisysy kóńilinen shyqpaidy. Qurbylary bul máseleni óz qolyna alyp, kómektesýge sheshim qabyldaidy.
Janargúl Janyamanova, aktrisa:
– Bala-shaǵamen úide otyrǵan, kúndelikti úidiń sharýasynan sharshaǵan áieldiń obrazyn somdaimyn. Kúieýi tańerteńnen keshke deiin jumysta. Kúieýiniń nazaryn aýdarý úshin neshe túrli qylyqty oilap tabady. Úsh balamen otyrýy meniń ómirime uqsas. Biraq basqa serialdaǵy rólderime esh uqsamaidy. Sol úshin de maǵan qyzyq boldy. Qandai syn, qandai pikir aitylady eken dep kútip júrmin. Tipti, qobaljyp júrmin desem bolady.
Ajarlym Maǵzum, aktrisa:
– Maǵan meniń keiipkeriminiń erkindigi jaqyn. Rýhy myqty, qiynshylyqtan qoryqpaityn jáne tik minezdiligi de bar. Men bul róldi jeńil alyp shyqtym. Óitkeni maǵan uqsas obraz.
Ulbolsyn Shalqarova, aktrisa:
– Telehikaiada Záýre esimdi arýdy oinaimyn. Meniń keiipkerim, óte ashyq, tezirek turmys qurǵysy keledi. Óz jolynda ol túrli jigitterdi kezdestiredi, alaida barlyǵynan kóńili qalady. Týyndy óte qyzyqty shyqqan dep oilaimyn.
Dinara kúieýi týraly barlyq shyndyqty bile me? Nazym kúieýine oralyp, tolyqqandy otbasyn qaita qura ala ma? Áielder dostyǵy qanshalyqty myqty? «DiNaZaur» telehikaiasy naqty ómirge negizdelgen qarym-qatynas, otbasylyq qundylyq, tárbie jáne shynaiy áielder dostyǵy týraly áńgimeleidi.
«DiNaZaur» tusaýkeseri 14 jeltoqsanda saǵat 20:40 «Almaty» telearnasynda!
