"Meniń bolashaq otbasym", "reprodýktıvti densaýlyq", "ekonomıka jáne otbasylyq búdjet" taqyryptarynda dárister men semınarlardy Ál-Farabı atyndaǵy QazUÝ otbasylyq qundylyqtardy zertteý ortalyǵynyń dırektory, psıhologıa ǵylymdarynyń kandıdaty, dosent Kabakova Maıra ótkizdi.
Onlaın semınar-trenıngterge Ál-Farabı atyndaǵy QazUÝ, Abaı atyndaǵy QazUPÝ, "Turan" ýnıversıteti, "Qaınar" Akademıasy, Júrgenov atyndaǵy Qazaq ulttyq akademıasy, S.J. Asfendıarov atyndaǵy medısına ýnıversıteti, "Narhoz" ýnıversıteti, Eýrazıalyq tehnologıalyq ýnıversıtetterinen 500-den astam stýdent qatysty.
Otbasylyq ómir - bul úlken shyǵarmashylyq joba! Eger osy mańyzdy joba sheńberindegi qyzmet pen qarym - qatynas lázzat syılasa, qýanysh syılasa, onda siz baqytty adamsyz, - dep esepteıdi Almaty qalasynyń jastar men otbasyn turaqty damytý bóliminiń basshysy Orynbasar Qudaıbergenov.
Esterińizge sala keteıik, Almaty qalasynyń qoǵamdyq damý basqarmasynyń qoldaýymen "Otbasy ınstıtýty" jobasynyń maqsaty - Almaty qalasynda otbasy ınstıtýtyn nyǵaıtý jáne turmystyq zorlyq-zombylyqtyń aldyn alý. Osy áleýmettik tapsyrysty tikeleı júzege asyrýmen "Zor Rýh"qaıyrymdylyq qory aınalysady.
Joba Halyqty áleýmettik qorǵaý júıesinde otbasylyq-baǵdarlanǵan tásildi damytýǵa, otbasy ınstıtýtyn nyǵaıtýǵa jáne turmystyq zorlyq-zombylyq profılaktıkasyna baǵyttalǵan. Onyń aıasynda Almaty qalasynda otbasy ınstıtýtyn nyǵaıtýǵa jáne otbasy múshelerine turmystyq zorlyq-zombylyqtyń aldyn alýǵa baılanysty psıhologıalyq, quqyqtyq, bilim berý jáne basqa da máseleler boıynsha aqparattyq-konsýltasıalyq jáne resýrstyq qoldaý kórsetiledi.
"Zor Rýh "qaıyrymdylyq qory" baspasóz qyzmeti
