Eń aldymen mektep oqýshylary, kolledj stýdentteri, júkti jáne bala emizetin analar ekpe aldy. Almaty qalasynyń turǵyny Veronika Býksha Almatydaǵy N4 qalalyq emhanaǵa qaralǵan, osydan 2 ai buryn ekinshi sábiin dúniege ákelgen. Veronika búgin ekpeni birinshi bolyp aldy.
– Men bala emizetin anamyn, sondyqtan balamdy, ózimdi, otbasymdy múmkindiginshe qorǵaǵym keledi, emhanadan meditsina qyzmetkerleri shaqyryp, alǵashqylardyń biri bolyp Pfizer ekpesin aldym, men óte qýanyshtymyn. Sebebi men osy kúndi kútken edim, – deidi Veronika.
Almaty qalasynyń turǵyny Qarlyǵash Altaeva Pfizer vaktsinasyn kópten beri kútip júrgenin de jasarmai aitty.
– Men bul vaktsinany kópten beri kútip júrmin, ol júkti áielderge jasalady. Pfizer ekpesie kelgeni belgili bolǵannan keiin olar meni shaqyrdy, birinshi komponentti aldym. Ótken jyly men COVID-19 aýrýymen aýyrdym jáne onyń qanshalyqty qiyn ekenin bilemin. Meniń ainalamnyń bári vaktsinatsiia alǵandar, – deidi Qarlyǵash Altaeva.
Al №4 Qalalyq emhananyń bas dárigeriniń orynbasary Sáýle Madiarova:
– Sońǵy eki aptada emhanada Pfizer ekpesi týraly túsindirý jumystary júrgizildi. №4 emhana 12 men 17 jas aralyǵyndaǵy 4540 bala oqityn 10 mektepke qyzmet kórsetedi. Erteń bizdiń dárigerler, iaǵni epidemiologtar, salaýatty ómir saltyn ustanatyn dárigerler, jalpy tájiribelik dárigerler mektep oqýshylarynyń ata-analaryna onlain seminarlar ótkizedi. Búginde bala emizetin áielder, júkti áielder, kolledj stýdentteri, joǵary oqý oryndary, sonymen qatar stýdentter ekpe aldy. Búgingi tańda ekpege 40 bala emizetin anadan, 29 júkti áielderden, 38 mektep oqýshylarynyń ata-analarynan kelisim alyndy, – dep aitty.
