Almaty qalasy himiia-biologiia baǵytyndaǵy Nazarbaev Ziiatkerlik mektebiniń oqýshylary Iliias Keńeshan, Arnur Tazabekov, Sulý Yntymaq, Danabek Qurmet, Rýkmini Baibolova Nazarbaev Ýniversitet stýdenti atanbaq. Danabek Qurmet mektepte ekinshi shet tili retinde frantsýz tilin oqyp, bolashaq mamandyǵyn osy baǵytpen bailanystyrýdy kózdegen.
- Ziiatkerlik mektebime alǵysym sheksiz, osy bilim shańyraǵynda alǵan jan-jaqty bilim, kóp múmkindikter, SAT emtihanyna berilgen daiyndyq meni osy kúnge jeteledi,- dep aǵynan jaryldy Qurmet.
Baibolova Rýkminide elimizdiń úzdik joǵary oqý orynyna túsý boiynsha óz pikirimen bólisti: "10 synypta men aldyma Nazarbaev Ýniversitetine túsemin degen maqsat qoidym. Jáne oǵan jeteleitin naqty is-áreket algoritymyn jasadym. SAT jáne ILETS emtihandaryna daiyndala bastadym, al 11 synyptan bastap daiyndyqty kúsheittim,sebebi olar boiynsha talaptar óte joǵary boldy.
Oqý men daiyndyqty biriktirý ońaiǵa túsken joq.Qazir sol eńbegimniń beker bolmaǵanyna kóz jetkizdim. Eńbektengen adam óz shyńyna jetedi. Men oǵan kámil senemin». Rýkmini áleýmettik ǵylymdar men halyqaralyq qatynastardy tańdap otyr jáne Nazarbaev Ýniversiteti jańa múmkindikter ashatynyna, baǵa jetpes tájiribe beretinine senimdi.
