Vedomstvo málimetinshe, 5 qańtarda atys qarýy, granata jáne janǵysh suiyqtyq quiylǵan bótelkelermen qarýlanǵan bir top adam Almaty qalasynyń Almaly oblysy boiynsha politsiia basqarmasyna shabýyl jasaǵan. Shabýylshylar ǵimaratty basyp alyp, kezekshi bólimniń qarý-jaraq bólmesinde ornalasqan qarýdy iemdenýdi kózdegen.
– Shabýylǵa toitarys berý úshin politsiia qyzmetkerleriniń shaǵyn toby shyqty: bul ýaqytta tártip saqshylarynyń kópshiligi alańdarda boldy jáne qala kóshelerinde qyzmet atqardy. Ákimshilik ǵimaratty qorǵai otyryp, tártip saqshylary áýege eskertý oqtaryn atty, biraq shabýyldaýshylar áreket etpei, shabýyldy jalǵastyrdy, – dedi IIM ókili.
Atys kezinde politsiianyń materialdyq-tehnikalyq qamtamasyz etý toby bolǵan aǵa serjant 28 jastaǵy Alen Asylhanov pen starshina 33 jastaǵy Rinat Qambetov qaza tapty
«Olar erlikpen áriptesterin qutqaryp, qaskúnemderdiń qarýdy iemdenýine jol bermedi, óz ómirlerin qiyp, politsiia bólimin bermedi» dedi IIM ókili.
Serjant Alen Asylhanov 1993 jyly 15 naýryzda dúniege kelgen. Orta bilim alǵan, 2002 jyly Úshqońyr kolledjin sý sharýashylyǵy mamandyǵy boiynsha bitirgen. 2015 jyldan beri organdarda qyzmet etti. 2020 jyly Asylhanovtyń uly dúniege kelgen.
Starshina Rinat Qambetov 1988 jyly 2 tamyzda dúniege kelgen. 2018 jyldan beri laýazymda, 2010 jyldan beri quqyq qorǵaý organdarynda qyzmet etti. Qambetovtyń eki balasy bar - 2017 jáne 2021 jyly týǵan.
9 qańtarda Memleket basshysy Qasym-Jomart Toqaev áskeri jáne qyzmettik boryshyn óteý kezinde kórsetken erligi men janqiiarlyǵy, sondai-aq múddelerdi qorǵaýdaǵy eren eńbegi úshin Alena Muhituly Asylhanov pen Rinat Talǵatuly Qambetovti qaitys bolǵannan keiin III dárejeli "Aibyn" ordenimen marapattaǵan bolatyn.
