Qazirgi tańda Almaty oblysynyń ortalyǵy Taldyqorǵan qalasynda 33 joba iske asyp, oǵan 9,9 mlrd teńge bólindi. Qolǵa alǵan jobalardyń arqasynda Taldyqorǵan qalasynyń 989 turǵyny jumyspen qamtylǵan. Qaladaǵy mańyzdy jobalardyń biri retinde №21 orta mektepke júrgizilip jatqan kúrdeli jóndeý jumysyn atap aıtýǵa bolady. Bilim ordasyn qalypqa keltirý úshin ákimdik 805 mln teńge bólgen.
Qazirgi tańda Almaty oblysy ákimi Amandyq Batalov myrza vırýs juqtyryp, indetpen kúresip jatqany belgili. Oblys basshysy densaýlyǵy syr berse de «Jumyspen qamtýdyń jol kartasy – 2020» baǵadarlamasyna aıyrqsha mán berip, josparlanǵan jumystardy merziminde aıaqtalýyn qadaǵalaýda. Osyndaı jaýapkershiliktiń arqasynda birqatar nysandardyń kúrdeli jóndeý jumystary aıaqtalyp, halyqtyń paıdalanýyna berilgenin atap aıtýǵa bolady.
Aıtalyq, Elorda kúni qarsańynda Aqsý aýdanynda 6 sporttyq alańy, Shamalǵanda 1,5 gektar aýmaqqa sozylǵan jańa saıabaq jáne Tekeli qalasynda sporttyq aýlalar paıdalanýǵa berilip, oblys turǵyndaryna merekelik kóńil-kúı syılady.
Qazirgi tańda Almaty oblysynda úsh aýsymdy bilim beretin mektepterdi joıý mańyzdy jumystardyń biri bolyp tur. Bul baǵytta 17 bilim berý mekemesinde qarqyndy qurylys jumysy júrip jatyr. Jyl aıaǵyna deıin 10 mekteptegi úsh aýsymdyq bilim ber joıylyp, jańadan 10 500 orynǵa arnalǵan bilim berý nysandary oqýshylardyń paıdalanýyna beriledi dep kútilýde. Qalǵan 7 nysan 2021 jyly tolyqtaı aıaqtalady. Budan basqa oblysta 16 jańa mekteptiń jobalyq-smetalyq qujaty daıyndalýda. Osylaısha Almaty oblysy ákimdigi aldaǵy ýaqytta oqýshylardyń sapaly bilim alýyna barynsha jaǵdaı jasaýǵa kúsh salýda.
Bir sózben aıtsaq, Almaty oblysynda qazir «Jumyspen qamtyýdyń jol kartasy – 2020» baǵdarlamasy qarqyndy iske asýda. Ákimdik qyzmetkerleri atalǵan baǵdarlama aıasynda júzege asyp jatqan jobalar men jańadan ashylǵan jumys oryndar jaıynda arnaıy rolık te túsirgenin atap aıta ketýimiz kerek.
