Almaty oblysynda mikronesieleý qarqyn júrýde
Qazirgi tańda Aýyl sharýashylyǵyn qarjylyq qoldaý qoryna jalpy somasy 610 mln 385 myń teńge bolatyn 124 joba kelip túsken. Kásipkerler palatasynyń nesie komiteti qazirdiń ózinde 90 ótinimdi qarap, olardy maquldap qoiǵan.
«Komitet músheleri jalpy somasy 314 mln 600 myń teńgelik jobalardy maquldap otyr. Búginde kásipkerlerge 87 mln teńgeden astam soma berildi. Nesieni Aqsý, Eskeldi, Kerbulaq jáne Talǵar aýdandaryndaǵy kásipkerlik sýbektileri aldy.
Ózge aýdandardyń agrariileri de aqshanyń bólinýin kútip otyr», – deidi Nesie komitetiniń hatshysy, jobalardy qoldaý bóliminiń basshysy Erlan Datqaev.
Talǵar aýdany kásipkerleri kópten kútken nesielerin birinshi bolyp alǵandar qatarynda. Sharýa qojalyǵynyń basshysy Ýnchan Nýrahýnovaǵa ótken aida tamshylap sýarýdy qolǵa alý úshin 6 mln teńgelik nesie maquldanǵan.
Talapty kásipker birneshe jyl boiy alma ósirýmen ainalysady jáne nesieni de birinshi ret alyp turǵan joq. Bul qarajatqa Ýnchan Nýrahýnova qojalyǵyn keńeitpekshi. Kelesi jyly kásipker alma baqtaryn kóbeitýdi kózdep otyr.
Erbolat Dosanov – mikronesieleý baǵdarlamasynyń taǵy bir qatysýshysy. AShQQQ oǵan 2,7 mln teńgege teń nesie bermek. Kásipker bul aqshany jańa tehnika men tuqymdar satyp alýǵa jumsamaqshy.
Al Erkin Aqqazy bolsa, nesieniń berilýin kútip júr. «Áset» sharýa qojalyǵynyń basshysy nesieleý sharttarymen kelisken jáne UKP tarapynan qoldaý jalǵasyn tabady dep úmittenip otyr.
«Aýyl kásipkerleri úshin mikronesieleý damýǵa berilgen jańa múmkindikke ainalyp otyr. Ókinishke qarai, qazir kez-kelgen kásipkerdiń bankten nesie alýǵa múmkindigi bolmai jatady. Nesieleýdiń tiimdi sharttarynyń arqasynda bizge birinshi ret 6 mln teńgelik nesie berý maquldandy. Bul aqshaǵa aýdanda mal sharýashylyǵyn damytpaq niettemin», – deidi agrarii.
Eske salsaq, «Atameken» UKP men Almaty oblysy ákimdigi shaǵyn biznes sýbektilerine arnap 600 mln teńge bólip otyr. Óńirdegi nesieleý operatory – «Aýyl sharýashylyǵyn qarjylai qoldaý qory» AQ (AShQQQ).
Dalanews
