Al, Ile aýdanynyń ákimi baspanaly bolǵan jandarǵa turmystyq tehnika tartý etti, - dep habarlaidy "Almaty" arnasy.
Aita keteiik, áleýmettik sanatqa jatatyn turǵyndarǵa páter qyzyl kirpishten turǵyzylǵan jańa úilerden berildi.
Qaiyrymdy kásipker aýdandaǵy az qamtylǵan januialarǵa jasalatyn jaqsylyq munymen bitpeidi dep otyr.
Sý jańa páter kiltine ie bolǵandardyń biri - bes balanyń anasy Elmira Keńshilbaeva.
Kúieýiniń 45 myń teńge jalaqysy men múgedek balalaryna memleket tarapynan beriletin 80 myń teńgege kún kórgen bul otbasy 14 jyldan beri páter jaldap turǵan.
Birde jetse, birde jetpei áýpirimdep kún kórgen olarǵa jany ashyǵan aýdan ákimi jomart kásipkerlerden kómek suraǵan.
"Múgedek balam bar. Bir páterden ekinshisine kóship júrdik. Kún kórisimiz qiyndap ketken bolatyn. Kúni keshe ǵana páteraqyny 2 ai tólei almaǵandyqtan, balalarymdy alyp, ákimge bardym. Aldyńǵy eki ákimnen esh qaiyr bolmap edi, jańa ákim kele salyp, osylai jarylqap jatyr", - deidi qýanyshtan kóz jasyn tyia almaǵan Elmira Keńshilbaeva.
Al, taǵy eki bólmeli páter 9 jyldan beri úi kezegin kútip júrgen Dabysbaevtarǵa buiyrdy.
Aýdan ortalyǵynan 120 shaqyrym qashyqtyqtaǵy Aqshi aýylynda turyp kelgen múmkindigi shekteýli jandar endi Boraldai kentindegi 48 sharshy metrlik páterge kóshedi.
"Qyzymyz da, áielim ekeýmiz de múgedekpiz. Sol úshin aýdan ortalyǵy nemese osy Boraldai kenti siiaqty úlken aýrýhanasy bar jerden úi suraǵanbyz. Mine, búgin armanymyz oryndaldy. Qýanyshtymyz. Kóp rahmet", - deidi otaǵasy Adai Dabysaev.
Eki páterdi qanshaǵa satyp alǵanyn jasyrǵan kásipker jaqsylyq jasaý áli de jalǵasady deidi.
Memleket biznespen ainalysyp, tabys tabýǵa múmkindik bergendikten, halyqqa qaiyrymdylyq jasaý - ár kásipkerdiń azamattyq mindeti deidi ol.
"Ile aýdanyndaǵy biraz kásipker kóp balaly analarǵa, múgedek jandarǵa kómekteseiik dep sheshtik. Sebebi, eń bastysy ata-ana men bala toq bolsa, elimizde bári jaqsy bolady", - deidi qurylys kompaniiasynyń prezidenti Amangeldi Ataev.
Óz qaramaǵyndaǵy turmysy tómen otbasylarǵa kásipkerlerdiń kómektesýine muryndyq bolǵan ákim baspanaly bolǵan qos otbasyna teledidar syilady.
Jalpy, Ile aýdanynda 11 sanat boiynsha 3056 adam úi kezeginde tur. Páterge zárý jandardyń sanyn azaitý maqsatynda aýdan aýmaǵynda 300 páterli kópqabatty úilerdiń qurylysy bastalmaq.
https://www.youtube.com/watch?v=E_5bEKDegrk
