Jalpy, oblys boiynsha 32,6 myń jumyssyz retinde tirkelgen. Aimaqtaǵy jumyssyzdyq deńgeii sońǵy alty aida 4,8% qurap otyr.
Óńirde ózin-ózi jumyspen qamtyǵandarda barshylyq. Olardyń sany 188,6 myń adamdy quraidy, jumyspen qamtylǵan halyqtyń ishindegi úlesi - 28,6%.
Aita keteiik, aimaq halqy Kásipkerlikti damytýdyń ulttyq jobasynyń sharapatyn kórýde. Atalmysh joba aiasynda 6,5 mlrd. teńge bólinip, 12,9 myń ózin-ózi nátijesiz jumyspen qamtyǵan jáne jumyssyz azamattar memlekettik qoldaý sharalarynyń aqrasynda jumyspen qamtyldy.
Máselen, qysqa merzimdi kásiptik oqýǵa 1280 adam jiberiletin bolady, onyń ishinde aǵymdaǵy jyldyń 1 shildesine 559 adam jiberildi.
«Birinshi jartyjyldyqta 10761 adam jumysqa ornalastyryldy, onyń ishinde 5246-sy nemese 48,7%-y turaqty jumys oryndaryna ornalasty»,-dedi Tólegen Sársembaev.
Almaty oblysynda qos aimaqta turaqty jumysqa ornalasý deńgeii tómen. Olar: Qonaev qalasy men Balqash aýdandary. Mundaǵy kórsetkish 25%-dan aspai tur.
Al jastar tájiribesi aiaqtalǵannan keiin jumysqa ornalasýdyń tómen paiyzy Qarasai aýdanynda tirkelgen. Bul jerde kórsetkish 27,3% quraidy. Jambyl aýdanynda ahýal tipti nashar. Atalǵan aýdanda birde-bir adam jumysqa ornalaspaǵan.
«Qoǵamdyq jumystar aiaqtalǵannan keiin turaqty jumysqa ornalasý tómen deńgeii Jambyl– 3%, Ile– 6,8%, Talǵar – 19,2%, Balqash - 25% aýdandarynda tirkeldi. Tipti, Eńbekshiqazaq aýdanynda birde-bir adam jumysqa turmaǵan»,-dep qorytyndylady apparat basshysy.
