Infeksıanyń 5 jaǵdaıy Taldyqorǵan qalasynda, ekeýi Talǵar qalasynda jáne Alakól, Eskeldi, Qarasaı, Aqsý aýdandary jáne Tekeli qalasynda bir-bir jaǵdaıdan tirkeldi.
KVI juqtyrǵandardyń úsheýi - balalar: bireýi - 2015 jylǵy, ekeýi - 2020 jylǵy. Odan bólek 1962, 1962, 1953 jylǵy úsh áıel jáne 1989, 1961, 1969, 1983, 1958, 1998 jylǵy er adamdar.
Naýqastardyń dene qyzýy 38,5 gradýsqa deıin kóterilip, ózin jaısyz sezinip, aıaq-qoldary syrqyrap aýyrǵan.
Olardyń barlyǵy epıdemıologıalyq kórsetkishterge sáıkes tekserilip, JRVI jáne pnevmonıa dıagnozymen juqpaly aýrýlar bólimine jatqyzyldy, dep habarlaıdy COVID-19 taraýyn boldyrmaý jónindegi VAK.
Naýqastarmen tyǵyz baılanystaǵy adamdar da anyqtalyp, karantınge ornalastyryldy. Epıdemıologıalyq tekserý júrgizilýde.
15 maýsymdaǵy jaǵdaı boıynsha Almaty oblysynda koronavırýs ınfeksıasyn juqtyrýdyń 527 jaǵdaıy anyqtaldy, olardyń 345-i emdelip, aýrýynan aıyqqan.
