Almaty oblysynyń prokýratýrasy oblystyń aýyl sharýashylyǵy basqarmasyn tekserý nátijeleri boiynsha biýdjettik sýbsidiialardy urlaýdyń, olardy zańsyz tóleýdiń jáne sharýalarǵa "tańdaý ádisimen" tólengen júieli shemalaryn anyqtady, dep habarlaidy Dalanews.kz.
Sýbsidiialaý salasyndaǵy qaitarylýǵa jatatyn buzýshylyqtar somasy 4,8 mlrd teńgeden asty.
Prokýratýranyń qadaǵalaý aktisi boiynsha óteý protsesi bastalyp, búginde biýdjetke 110 mln teńge qaitaryldy.
Aýyldardaǵy áleýmettik-óndiristik kooperativter asyl tuqymdy janýarlardy alý maqsatynda selektsiialyq jumystarǵa arnalǵan 1,2 mlrd teńge sýbsidiiany urlaǵan.
Is júzinde bul jumystar oryndalmai, qujattar resmi túrde resimdelip, oblysta asyl tuqymdy mal sany ulǵaitylmaǵan.
Oblys ákimdiginiń eseptik derekteri boiynsha asyl tuqymdy mal sharýashylyǵyn damytý boiynsha belsendi jumys júrgizilýde.
Asyl tuqymdy qoilardy selektsiialaý baǵdarlamasyn iske asyrý nátijeleri boiynsha 4 jylda olardyń sany 1,9 mln-ǵa deiin ulǵaityldy.
Alaida, derekter tek qaǵaz júzinde qaldy, prokýrorlyq tekserý oblys boiynsha asyl tuqymdy qoilardyń sany nebári 367 myń bas ekenin kórsetti.
Oblysta aýyl sharýashylyǵyn damytýdyń tiimdiligin taldaý jalǵasýda.
Mysaly, Uiǵyr aýdanynda tirkelgen janýarlar joq bola turyp, 2023 jyly selektsiialyq jumystardy júrgizgeni úshin 45,2 mln.teńge somasyna sýbsidiia aldy.
Sýbsidiia alǵan kezde bul kooperativ óziniń jeke aýlasy retinde Uiǵyr aýdanyny turǵyndarynyń aýylsharýashylyq janýarlaryn tirkegen.
Ákimdik mal basynyń naqty saqtalýyna monitoring júrgizbegendikten, memlekettik biýdjetke zalal keltirilýde.
Urlaý faktileri boiynsha sotqa deiingi 5 tergeý bastalyp, zańsyz tólengen sýbsidiialardy qaitarýǵa 3 usyný engizildi.
