Baijan Satylǵanov Almaty oblysy uiymdasqan qylmyspen kúres departamentiniń basshysy bolyp taǵaiyndaldy, - dep habarlaidy Dalanews.kz.
Bul týraly Almaty oblystyq Politsiia departamentiniń baspasóz qyzmeti málimdedi.
"Ishki ister ministrligimen kelisimimen, Almaty oblysynyń politsiia departamenti bastyǵynyń buiryǵymen Baijan Satylǵanov uiymdasqan qylmysqa qarsy kúres basqarmasynyń bastyǵy qyzmetine taǵaiyndaldy", - dep habarlady oblystyq politsiia departamentiniń baspasóz qyzmeti.
Baijan Satylǵanov 35 jasta. Ol Qordai aýdany Mihailovka aýylynda dúniege kelgen. Ishki ister organdarynda 2012 jyldan beri qyzmet etip keledi. Eńbek jolyn ýchaskelik politsiia inspektorynyń kómekshisi bolyp bastaǵan.
Satylǵanov kóliktegi politsiia departamentinde, sondai-aq Jambyl oblysy ishki ister departamentinde túrli basshylyq qyzmet atqarǵan. Ol munyń aldynda Jambyl oblysy Turar Rysqulov aýdandyq ishki ister bóliminiń bastyǵy boldy.
