Almaty oblysy ákiminiń málimetinshe, oblysta shaǵyn jáne orta biznes sýbektileriniń sany 125 myń birlikke, al osy salada jumys isteitin adamdar sany 275 myń adamǵa jetken. Óndirilgen ónim men kórsetilgen qyzmet kólemi 11% ósip, ShOB-tyń jalpy ishki ónimdegi úlesi 34% jetti. Oǵan Memleket basshysy Qasym-Jomart Kemeluly Toqaevtyń tapsyrmasy boiynsha qolǵa alynǵan salyqtyq jeńildikter, jalǵa alý tólemderinen bosatý túrindegi sharalar oń yqpalyn tigizgen.
– Mysal retinde aitsam, jyldyń basynda Taldyqorǵan qalasynda az qamtylǵan jáne kóp balaly analardy jumysqa tartý maqsatynda tigin tsehy ashyldy. «Jetisý» ÁKK arqyly tsehqa oryn taýyp, kúrdeli jóndeýden ótkizip, lizingige qural-jabdyqtar satyp áperdik. Qazir bul shaǵyn fabrikada 17 áiel jumys istep jatyr, sonyń 12-si «Eńbek» baǵdarlamasymen oqydy. Mundai mysaldar bizde az emes, osyndai usynys-bastamalardy biz árqashan qoldaimyz, – dedi Amandyq Batalov.
Óńirde eki myńǵa jýyq sýbektige memlekettik qoldaý kórsetiledi, 13 myń jumys orny qurylyp, saqtalady.
Sol siiaqty oblys basshysy aimaqta 430 nysannyń «Ashyq» qosymshasymen jumys isteitinin atap ótti. Onyń aitýynsha, bul servisti táýligine orta eseppen 3 myń adam qoldanady.
«Jalpy osy qabyldanyp jatqan sharalar kásipkerlerdiń burynǵy jumys yrǵaǵyna kóshýine múmkindik beredi dep senemiz», - dedi A.Batalov.
