Almaty oblysy ákiminiń birinshi orynbasary taǵaiyndaldy
Nurlan Erǵaliuly 1980 jyly týǵan, qazaq, bilimi joǵary, 2001 jyly «Qainar» ýniversitetin «zańger» mamandyǵy boiynsha bitirgen, 2016 jyly Qazaqstan Respýblikasy Prezidentiniń janyndaǵy Memlekettik basqarý akademiiasynyń Ulttyq memlekettik saiasat mektebi «Saiasattaný» mamandyǵy boiynsha áleýmettik bilim magistri akademiialyq dárejesin alǵan.
Eńbek jolyn 1999 jyly «Djakýbaev D.M.» JK aǵa zańgeri bolyp bastaǵan.
Ár jyldary «Astanaenergoservis» AAQ tutynýshylarmen jumys jónindegi qyzmettiń jeke tulǵalarǵa qyzmet kórsetý bóliminiń №2 abonenttik ýchaskesiniń baqylaýshysy, «Qazaqstan Respýblikasynyń Zańnama institýty» JAQ taǵylymdamashysy, Qazaqstan Respýblikasy Ádilet ministrliginiń Zańnama departamentiniń jetekshi mamany, bas mamany, bólim bastyǵy, basqarma bastyǵynyń orynbasary, direktorynyń orynbasary, Normativtik quqyqtyq aktilerdi tirkeý departamentiniń direktory, Zańǵa táýeldi aktiler departamentiniń direktory, Ziiatkerlik menshik quqyǵy komitetiniń tóraǵasy, Qazaqstan Respýblikasy Ádilet ministriniń keńesshisiniń mindetin atqarýshysy bolyp qyzmet atqarǵan.
2012-2019 jyldary Qazaqstan Respýblikasy Prezidenti Ákimshiliginiń memlekettik baqylaý jáne uiymdastyrý-aýmaqtyq jumys bóliminiń memlekettik inspektory, 2019-2021 jyldary Qazaqstan Respýblikasy Prezidenti Ákimshiliginiń memlekettik inspektory laýazymdaryn atqardy.
2021 jyldyń mamyr aiynan Qazaqstan Respýblikasy Prezidenti Ákimshiliginiń memlekettik baqylaý jáne uiymdastyrý-aýmaqtyq jumys bólimi meńgerýshisiniń orynbasary.
«Qurmet» ordeniniń iegeri.
