Almaty metropoliteninde týrniketterdi jańartý jumystary bastaldy: 2025 jyldyń kúzine qarai jolaýshylar jolaqyny tikelei kireberiste – Apple Pay, Google Pay nemese Samsung Pay servisi bar bank kartasyn nemese smartfondy qurylǵyǵa tigizý arqyly tólei alady, dep habarlaidy Dalanews.kz
Buǵan deiin bank kartasymen kassa arqyly nemese arnaiy bir týrniket arqyly ǵana tóleýge bolatyn. Endi barlyq bekettegi týrniketter bailanyssyz tólem júiesimen jabdyqtalady. Bul jolaýshylardyń ótý úderisin edáýir jedeldetip, jol júrýdi áldeqaida yńǵaily etedi.
Bul jańashyldyq kólik kartasyn qoldanbaityn nemese jeton satyp alýǵa ýaqyt joǵaltqysy kelmeitinder úshin óte qolaily. Endi kezekte turýdyń qajeti joq – tek kartańyz nemese smartfonyńyz bolsa jetkilikti.
Infraqurylymdy jańartý – qalalyq qoǵamdyq kólik sapasyn arttyrýǵa jáne jolaýshylardyń, sonyń ishinde almatylyqtar men qala qonaqtarynyń jailylyǵyn arttyrýǵa baǵyttalǵan.
