Almaty men Shymkentte "Dikii Armannyń" adamdary ustaldy, - dep habarlaidy Dalanews.kz Polisia.kz saityna silteme jasap.
7 aqpanda Almaty jáne Shymkent qalalarynyń aýmaǵynda IIM uiymdasqan qylmysqa qarsy kúres bólinisteriniń qyzmetkerleri uzaq ýaqyt boiy qylmystyq qýdalaý organdarynan jasyrynyp júrgen qańtar oqiǵasynyń eki qatysýshysyn ustady. Olar Jumageldiev ("Dikii Arman") uiymdasqan qylmystyq tobynyń múshesi.
"Ustalǵandardyń biri Samat Ámirbaev 2022 jyly Shymkentte kisi óltirýge jáne sol qalanyń basqa turǵynyna qatysty ózinshe bilik etýge qatysy bar dep kúdiktelýde. Ol Túrkistan oblysynyń aýmaǵynda ustaldy. Onyń kisi óltirý faktisi boiynsha sybailastarynyń biri 16 jylǵa sottalyp, qazirgi ýaqytta bas bostandyǵynan aiyrý ornynda jazasyn ótep jatyr. Uiymdasqan qylmystyq toptyń ekinshi múshesi Almaty áýejaiynda shekaralas eldiń aýmaǵynan kelgennen keiin ustaldy. Onda ol Qazaqstannyń quqyq qorǵaý organdarynan jasyrynǵan. Ustalǵan adamdar ýaqytsha ustaý izoliatoryna qamaldy", - dedi QR IIM uiymdasqan qylmysqa qarsy kúres departamentiniń basqarma bastyǵy Qýandyq Alpys.
Jalpy ótken jyldan beri el aýmaǵynda aýyr jáne asa aýyr qylmystar jasady dep kúdiktelgen uiymdasqan qylmystyq toptardyń 19 kóshbasshysy men belsendi músheci ustalǵan.
