"Dıkıı Armannyń" uıymdasqan qylmystyq tobynyń 15 yqtımal múshesine qatysty ustaý jáne tintý sharalary júrgizildi, - dep habarlaıdy Dalanews.kz Polisia.kz-ke siltep.
Sońǵy eki jylda 140-tan astam osyndaı toptardyń qyzmeti toqtatyldy. Krımınalıtettiń 550-den astam ókili jaýapqa tartyldy. Asa qaýipti qylmystyq toptardy, onyń ishinde "qańtar oqıǵasy" kezinde jappaı tártipsizdikke qatysqandardy quryqtaý boıynsha belsendi kezeń aıaqtalyp jatyr.
"Aǵymdaǵy jyldyń tamyz aıynda Ulttyq qaýipsizdik komıteti jáne Bas prokýratýramen birlesip, Almaty jáne Shymkent qalalarynda bir ýaqytta “Dıkıı Armannyń” uıymdasqan qylmystyq tobynyń 15 yqtımal múshesine qatysty ustaý jáne tintý sharalary júrgizildi. Toptyń jetekshisi men negizgi músheleri qamaýǵa alynǵanymen, onyń basqa músheleri bostandyqta zańsyz áreketterdi jasaýdy jalǵastyrǵan. 40-tan astam tintý is-sharalary júrgizilip, atys, travmatıkalyq jáne sýyq qarý, sondaı-aq olardyń quqyqqa qaıshy qyzmetiniń ózge de zattaı dáleldemeleri tárkilendi.
Barlyq kúdikti ýaqytsha ustaý ızolátoryna qamaldy. Budan basqa, İİM qylmystyq-atqarý júıesi komıtetimen birlesip, uıymdasqan qylmystyq toptyń kóshbasshylary men negizgi qatysýshylary otyrǵan mekemelerde jedel jaǵdaıdy turaqsyzdandyrýǵa jol bermeý jáne tıisti rejımdi qamtamasyz etý jóninde sharalar qabyldanýda. Bul baǵyttaǵy jumys jalǵasatyn bolady", – dedi İİM uıymdasqan qylmysqa qarsy kúres departamentiniń basqarma bastyǵy Qýandyq Alpys.
