2025 jyldyń basynan bastap jedel-izdestirý is-sharalaryn júrgizý barysynda 20 atys jáne travmatikalyq qarý tabyldy, onyń ishinde tórteýi qańtar oqiǵasy kezinde joǵalǵan, sondai-aq 6 granata jáne 150-den astam ártúrli kalibrli oq-dári tárkilendi, dep jazady Dalanews.kz.
Almaty qalasynyń uiymdasqan qylmysqa qarsy kúres basqarmasy tergeý izoliatorynyń qyzmetkerlerimen birlesip, Túrksib aýdanynda qarý jasyrylǵan jerdi anyqtady. 3 sholaq myltyq, 3 tapansha, 4 granata, shamamen 50 patron, sonymen qatar qańtar oqiǵasy kezinde qarý-jaraq dúkeninen urlanǵan karabin tárkilendi.
Taraz qalasynda 2 sholaq myltyq jáne qańtar oqiǵasy kezinde urlanǵan jaýyngerlik arbalet tabyldy.
Aqtóbede 56 patrony bar TOZ vintovkasy men F-1 granatasy tárkilendi.
Almaty oblysynda 2 qarý, RGD-5 granatasy jáne Kalashnikov avtomatynyń 20 patrony, sondai-aq qańtar oqiǵasy kezinde urlanǵan 2 Makarov tapanshasy tabyldy.
Taldyqorǵan qalasynda jergilikti turǵynnyń avtokóliginen 5 travmatikalyq tapansha tárkilendi.
"Sońǵy eki jylda uiymdasqan qylmysqa qarsy kúres bólinisteri zańsyz ainalymnan 1000-nan astam qarý-jaraq tárkiledi, onyń ishinde qańtar oqiǵasy kezinde urlanǵan 130 qarý bar. Bul baǵyttaǵy jumys Ishki ister ministrliginiń erekshe baqylaýynda", - dedi IIM uiymdasqan qylmysqa qarsy kúres departamentiniń ókili Qýandyq Alpys.
Saitymyzdan taqyryppen orailas "Úsh jyl ótti. Toqaev Qańtar oqiǵasy týraly sóz qozǵady" degen maqalamen de tanysa alasyzdar.
