Almaty dárigerlerine ústemaqy tóleý úshin medsaqtandyrý qory 18,3 mlrd teńge bóldi
Ol elde meditsinalyq saqtandyrý júiesin engizý pandemiia kezeńine sáikes kelgenin, sondyqtan barlyq meditsinalyq kómek, onyń ishinde koronavirýstyń taralýyn boldyrmaý qyzmetterin saqtandyrý mártebesine qaramastan mindetti meditsinalyq saqtandyrý júiesi esebinen júrgizilgenin eske saldy.
– Pandemiia bastalǵaly beri 2020 jyldyń naýryzynan bastap meditsinalyq saqtandyrý qory koronavirýs pen pnevmoniiamen kúresý sharalary úshin aqy tóleýdi, onyń ishinde meditsina qyzmetkerlerine ústeme aqy tóleýdi qarastyrdy. 2021 jyldyń birinshi jartyjyldyǵynda Almaty qalasynda epidemiiaǵa qarsy sharalarǵa qatysqan 42 559 dáriger 18,3 mlrd teńge kóleminde ústemaqy aldy, – dedi Tileýhan Ábildaev.
Jalpy somadan birinshi jartyjyldyqta tólengeni:
- 1-shi táýekel toby - 12,6 mlrd teńge (20 069 adam);
- 2-shi táýekel toby - 4,1 mlrd teńge (12 480 adam);
- 3-shi táýekel toby - 1,6 mlrd teńge (10 010 adam).
Barlyǵy 2021 jyldyń birinshi jartyjyldyǵynda Almatyda koronavirýstyq infektsiiamen aýyratyn patsientterdi emdeýge meditsinalyq qyzmet kórsetýge 15,8 mlrd teńge tólendi, al PTR-testterden 2,5 mlrd teńgege 313 myńnan astam azamat ótti.
Tileýhan Ábildaev qazaqstandyqtardyń saqtandyrý mártebesine qaramastan koronavirýstyq infektsiia men pnevmoniiaǵa qarsy meditsinalyq kómek tegin alatynyn eske saldy. Úidegi mobildi toptar men aýrýhanalardyń qyzmetteri COVID-19 juqtyrǵandarǵa jáne COVID-19 kúdigi bar naýqastarǵa kórsetiledi. Biyl mobildi toptar shamamen 119 myń shaqyrtýlarǵa qyzmet kórsetti, 681,6 mln tólendi.
