Almatynyń ortalyq klinikalyq aýrýhanasynda patsientterdiń AITV (VICh) juqtyrý deregi boiynsha tergeý aiaqtaldy. Bas dáriger men onyń aýrýhanadaǵy epidemiologiialyq jaǵdaiǵa jaýapty orynbasary qyzmetinen bosatyldy, dep habarlaidy Dalanews.kz KTK arnasyna siltep.
Al ota jasaý kezinde standartyń saqtalýyn qadaǵalamaǵan eki meiirbikege tártiptik jaza qoldanypty. Tekseris qorytyndysy quzyrly organdarǵa joldanǵan.
"Byltyr shilde aiynda Almatydaǵy ortalyq klinikalyq aýrýhanada úsh patsienttiń VICh juqtyrǵany anyqtaldy. Tekserý júrgizgen komissiia bul sumdyq jaǵdai orta medpersonaldyń invazivti manipýliatsiia júrgizý kezinde operatsiialyq protsedýra standarttaryn buzýymen jáne olardyń qyzmetine baqylaý bolmaýymen bailanysty degen qorytyndyǵa keldi", - deidi densaýlyq saqtaý ministrligi, sanitariia-epidemiologiiany baqylaý komitetiniń tóraǵasy Nurqan Sádýaqasov.
Qazir AITV infektsiia juqtyrǵan úsh patsient SPID ortalyqta dispanserlik esepte tur. Sondai-aq jeke emdeý shemasy boiynsha antiretrovirýstyq preparattarmen qamtamasyz etilgen. Olarǵa jergilikti biýdjet esebinen barlyq qajet meditsinalyq jáne psihologiialyq kómek kórsetilip jatyr.
