Almaty áýejaiynda kólik politseileri birneshe smartfon urlaǵan azamatty ustady dep habarlaidy Dalanews.kz Polisia.kz saityna silteme jasap.
15 qyrkúiekte Almaty áýejaiyndaǵy kóliktegi politsiia basqarmasynyń kriminaldyq politsiia bólimshesiniń qyzmetkerleri buryn sottalǵan 27 jastaǵy qala turǵynyn anyqtap, ustady. Ol qyzmettik jaǵdaiyn paidalana otyryp, quny qymbat telefondarynyń urlyǵymen ainalysqan. Urlyqpen ainalysqan azamat áýe kompaniialardyń biriniń júk bóliminde jumys istei júrip, mamyr jáne shilde ailary aralyǵynda Stambuldan keletin smartfondardy qoldy etip júrgen.
Kólik politseileriniń júrgizgen jedel-izdestirý is-sharalary men kásibi biliktiliginiń arqasynda kúdikti dep tanylǵan azamattyń qylmystyq áreketine tosqaýyl qoiyldy. Atalǵan azamat jalpy 33 telefondy urlaǵan. Al keltirilgen zalaldyń jalpy somasy 7 664 315 teńgeni qurady. Sotqa deiingi tergeý barysynda zalal tolyq kólemde óteldi. Almaty qalasy Túrksib aýdandyq sotynyń úkimimen aiyptalýshy kináli dep tanylyp, 2 jyl 6 ai merzimge bas bostandyǵynan aiyryldy. Kóliktegi politsiia departamenti kólik infraqurylymy nysandaryndaǵy qoǵamdyq qaýipsizdikti qamtamasyz etý jáne azamattar men uiymdardyń múlkine qarsy jasalatyn qylmystardyń aldyn alý úshin barlyq qajetti sharalardy qabyldap jatyr.
