Almaty ákimi Erbolat Dosaev memleket qairatkeri Berdibek Saparbaevtyń otbasy men týystaryna kóńil aitty
«Berdibek Mashbekuly san túrli salada eńbek etip, 45 jyldan astam ýaqyt memlekettik qyzmette elimizdiń órkendeýine qomaqty úles qosty.
Táýelsizdikti nyǵaitý jolynda qatardaǵy ekonomisten QR Premer-ministriniń orynbasaryna deiingi laýazymdy qyzmetterdi abyroimen atqardy.
Árdaiym jaýapty qyzmettiń tutqasyn ustap, qysyltaiań ýaqytta da júktelgen kúrdeli mindetti tiianaqty oryndap, eldiń seniminen shyǵa bildi».
Erbolat Dosaev Berdibek Saparbaevtyń jarqyn beinesi halyqtyń júreginde máńgi saqtalatyna senim bildirdi.
