26 sáýir Almaty-2 stantsiiasynan saltanatty túrde jolǵa shyqqan «Salamatty Qazaqstan» poiyzy, aǵymdaǵy jyldyń 6 jeltoqsanyna deiin búkil Qazaqstan boiynsha 120-dan astam stantsiiany qamtityn bolady. Sharaǵa dárigerler men temirjolshylar, ardagerler, óner qairatkerleri, BAQ jáne basqa da taraptar qatysty.
Jobany «Samuryq-Qazyna» AQ kompaniialar tobynyń atynan «Samruk-Kazyna Trust» áleýmettik jobalardy damytý qory, QR Prezidenti janyndaǵy Áielder isteri jáne otbasylyq-demografiialyq saiasat jónindegi ulttyq komissiianyń jáne Densaýlyq saqtaý ministrliginiń qatysýymen, «Qazaqstan temir joly» UK» AQ janyndaǵy «Áleýmettik jobalar qory» korporativtik qorymen jáne aqparattyq seriktes – Jibek Joly telearnasymen yntymaqtastyqta iske asyrady.
«Samuryq-Qazyna» AQ qoldaýynyń arqasynda densaýlyq poiyzdarynyń shalǵai stantsiialardyń turǵyndaryna joǵary bilikti meditsinalyq kómek kórsetýi igi dástúrge ainaldy. Tek 2022 jyldyń qorytyndysy boiynsha 150-ge jýyq stantsiianyń 80 649 turǵyny emdik-keńes berý qyzmetin alyp, onyń ishinde 21 867-si bala boldy. Bul rette 5 097 adamǵa shaǵyn ota jasalyp, 26 587 adamǵa stomatologiialyq kómek kórsetildi. Barlyǵy naýqastardyń dárigerlerge qaralý sany 389 388-di qurady.
