Jýyrda BI Group qurylys holdinginiń 160 qyzmetkeri Parijge baryp, kompaniia uiymdastyrǵan sapardan oraldy. Bul saiahat - olardyń kópjyldyq eńbegine alǵys bildirý, dep habarlaidy dalanews.kz.
Qyzmetkerlerdi yntalandyrý baǵdarlamasyna sáikes, kompaniiada on jyl eńbek etken árbir qyzmetker Frantsiia astanasyna joldama alady. Bul múmkindik barlyq jumysshylarǵa, injenerler men menedjerlerge beriledi. Sapardyń bar shyǵynyn kompaniia óz moinyna alady.
Bes kún ishinde qyzmetkerler Parijdiń kórikti jerlerin aralap, Monmartrǵa, Lývr mýzeiine jáne áigili baqtary bar Versal saraiyna bardy. Sapar qorytyndysyna Sena ózenin keship ótip, krýizde keshki as uiymdastyryldy. Kópshiligi álemdegi tanymal týristik qalaǵa birinshi ret kelip, armandary oryndaldy.
«Men Parijge barýdy bes jasymnan beri armandadym. 90-jyldary anama "bir kúni saǵan osy qalany kórsetemin" dep ýáde bergen edim. BI Group-ta nysan menedjeri bolyp bastap, direktor laýazymyna deiin óstim, osy jolymdaǵy ár synaq meni osy jerge jetelegenin túsindim. Búgin anam janymda, biz Parijdemiz, armanym oryndaldy», – deidi kepildik qyzmet kórsetý basqarmasynyń direktory Dýlat Sháýpkelov.
Saparlastar qatarynda kásibi joly kompaniianyń damýymen tyǵyz bailanysty qyzmetkerler bar. Máselen, BI Architect kompaniiasynyń qyzmetkeri Islam Jumaǵulov taǵylymger bolyp kelip, bas injener laýazymyna deiin ósti, «Bolashaq» baǵdarlamasy boiynsha Angliiada bilim aldy. Óndiristik menedjer ári «Qurmetti qurylysshy» ataǵynyń iegeri Aiagóz Baqtybaeva óndiristik-tehnikalyq bólimdi basqaryp, EXPO 2017 siiaqty mańyzdy jobalarda eńbek etti. Al Industrial & Energy tehnikalyq direktory Erbol Tátembaev sheber qyzmetinen bastaǵan, qazir elimizdegi kúrdeli ónerkásiptik nysandardyń basshysy.
Dástúrli túrde kúz ailarynda taǵy bir motivatsiialyq sapar uiymdastyrylady. BI Group-ta 20 jyl eńbek etken mamandar kompaniia atynan AQSh-qa baryp, Niý-Iork pen Maiami qalalaryn aralaidy.
Qyzmetkerlerdiń kópjyldyq eńbek ótilin elep-eskerý - BI Group-tyń korporativtik júiesiniń ajyramac bóligi. Holding jyl saiyn komandasynyń bilimin kúsheitýge 2 mlrd teńgeden astam qarjy bóledi, shamamen 7 myń qyzmetker biliktiligin arttyrady, al úzdik mamandar Harvard, Stanford, Oxford jáne London Business School sekildi álemniń jetekshi ýniversitetterinde bilim alady. Búginde bul oqý oryndarynyń túlekteri atanǵan qyzmetkerler sany 40-tan asty.
Korporativtik bastamalardyń qatarynda injenerlik-tehnikalyq qyzmetkerlerge alǵashqy baspanasyn satyp alýǵa kómektesetin BI Baqyt turǵyn úi baǵdarlamasy da bar. Turǵyn úi jaǵdaiyn jaqsartqysy keletinder úshin BI Baqyt Trade In baǵdarlamasy jumys isteidi. Aldaǵy bes jyl ishinde kompaniia jeńildetilgen sharttarmen 1 700 páter usynýdy josparlap otyr.
