Alǵabas-6 shaǵynaýdanynda taǵy bir úi qisaiyp qaldy
Komitettiń resmi ókili Rýslan Imanqulovtyń aitýynsha, qisaiǵan Alǵabas-6 shaǵynaýdanyndaǵy toǵyzqabatty úilerdiń biri.
«Syrt qaraǵanda, úidiń qisaiǵany baiqalady. Alaida onyń qanshalyqty qisaiǵanyn mamandar anyqtaityn bolady. Olar qazir sol jerde júr. Mamandar sheshimine sáikes, turǵyndardy basqa jerge qonystandyrý máselesi qarastyramyz», – dedi Rýslan Imanqulov.
Komitet dereginshe, toǵyzqabatty úige turǵyndar biylǵy jyldyń 27-shildesinde qonystanǵan eken. Munda barlyǵy 54 páter bar.
Qazirgi kúni Almaty qalalyq Tótenshe jaǵdailar departamentiniń jáne qalalyq ákimshilik Qurylys basqarmasynyń mamandary osy jerde júr.
Aita ketelik, budan buryn Alǵabas-6 shaǵynaýdanynda taǵy bir úi qisaiyp qalǵan edi. Turǵyn úidi 2014 jyly «Astana qurylys» kompaniiasy turǵyzǵan bolatyn. Munda barlyǵy 72 páter bar. Turǵyndar memlekettik baǵdarlama boiynsha bul jerge 2015 jyldyń qazanynda qonystanǵan edi. Atalǵan jaǵdaidan keiin shaǵynaýdandaǵy barlyq kópqabatty úiler tekserýden ótkizilgen bolatyn.
