Onlaın kezdesýde alys jáne jaqyn shetelderden jınalǵan 70-ten astam jas zertteýshilerdiń konferensıasy, ıdeıalar men ǵylymı ázirlemelermen almasý alańyna aınaldy. Bul sharanyń ereksheligi – barlyq spıkerler óz jumysynyń nátıjelerin aǵylshyn tilinde baıandap usyndy.
Konferensıa jumysyna Djokákart memlekettik ýnıversıtetiniń profesorlary (Indonezıa) Dr. Mohamed Brýırı Trıóno, Retnavatı Herı, tehnıka ǵylymdarynyń doktory, profesor Maksım Stogov, PhD Marına Boronenko (Iýgra memlekettik ýnıversıteti, Reseı), profesor Elina Kuisisto (Tampere ýnıversıteti, Fınlándıa), pedagogıka ǵylymdarynyń kandıdaty, dosent G.K. Baıǵajanova (J.Balasaǵyn atyndaǵy QUÝ, Qyrǵyzstan), PhD doktory G. Qasymova (Satbayev Universty, Qazaqstan), PhD doktory F.Smaılova (Kólik jáne logıstıka akademıasy, Qazaqstan) jáne t.b. qatysty.
Konferensıanyń jalpy otyrysyn shetel tilder kafedrasynyń meńgerýshisi Uljalǵas Ádilbaeva jáne profesor Mohamed Brýırı Trıóno saltanatty túrde ashty. Aıta keterligi, profesor Mohamed Brýırı Trıóno – aqparattyq tehnologıalar jáne bilim berý úderisine tolyqtyrylǵan shyndyq tehnologıasyn engizý salasyndaǵy jetekshi ǵalym retinde konferensıa barysynda «Tolyqtyrylǵan shyndyqty aralas oqytý formatynda ıntegrasıalaý» taqyrybynda baıandama jasady.
Plenarlyq otyrystan keıin konferensıa óz jumysyn jaratylystaný jáne áleýmettik-gýmanıtarlyq ǵylym salalary boıynsha jalǵastyryldy. Konferensıa qatysýshylary ózderiniń ǵylymı ázirlemelerin tanystyryp, bir-birimen pikir almasyp, ózekti máselelerdi talqylady.
Seksıalyq sesıalar nátıjesinde moderatorlar aǵylshyn tilin jetik meńgergendigimen kózge túsken jáne zertteýleriniń mánin tolyq ashyp, aýdıtorıaǵa zertteý nátıjelerin naqty jetkize bilgen magıstranttardyń baıandamalaryn atap ótti.
Magıstranttardyń ózderi de, ǵylymı jetekshileri de alǵys hattarǵa ıe boldy, al konferensıa qatysýshylaryna arnaıy sertıfıkattar tabystaldy.
İs-shara onlaın formatynda ótse de, qatysýshylar tarapynan konferensıany jyl saıyn ótkizý týraly usynys aıtyldy.
