"Qazaqstan temir joly" ulttyq kompaniiasy" AQ basqarma tóraǵasynyń mindetin atqarýshy bolyp Baýyrjan Orynbasarov taǵaiyndaldy, dep habarlaidy dalanews.kz.
Baýyrjan Orynbasarov 1970 jyly Qyzylorda oblysynda dúniege kelgen. Almaty temirjol kóligi injenerleri institýtyn támamdaǵan.
Ol temirjol salasynda 30 jyldan asa eńbek etip keledi. Eńbek jolyn Batys Qazaqstan temirjolynda bastap, stantsiia kezekshisi, poiyz dispetcheri, bas injener, QTJ filialdarynyń direktory jáne basqarýshy direktor siiaqty túrli qyzmet atqarǵan.
Sondai-aq, QTJ vitse-prezidenti bolyp jumys istep, kompaniianyń infraqurylym jobalary men magistral jeli direktsiiasyna jetekshilik etken. 2022 jylǵy qańtardan beri QTJ-nyń óndiristik protsester jónindegi basqarýshy direktorynyń mindetin atqarýshy qyzmetin atqaryp kelgen.
Aita keteiik, ol bul qyzmetke Talǵat Aldybergenovtiń ornyna keldi.
