Aldaǵy oqý jyly Shyǵysta oqýshylarǵa tereń bilim beretin 476 kabinet ashylady
Jaqynda Shyǵys Qazaqstan oblysy boiynsha aimaqtyq kommýnikatsiia qyzmetinde ShQO Bilim berý basqarmasynyń basshysy Ásel Qaiyrbekova jýrnalistermen júzdesip, óńirde bilim berý salasyn boiynsha atqarylyp jatqan jumystar jaiynda jan-jaqty áńgimelep berdi.
Óz kezeginde Ásel Qaiyrbekova óńirdegi bilim berý salasy Elbasy Joldaýynda atap kórsetilgen baǵyttarǵa sai búgingi ómirimizben tolyqtai úilesýi kerek ekenin alǵa tartty. Qazirgi tańda Shyǵys Qazaqstan oblysynda ustazdar qaýymnyń mártebesin kóterý baǵytynda mańyzdy jumystar atqarylyp jatqanyn osy kezdesýde Bilim basqarmasy basshysynyń ózi habardar etti.
Joldaýda atap kórsetilgen mindetterge sai bolýy úshin 2017 jyly shyǵysqazaqstandyq pedagogtar bilim berý júiesindegi oqý baǵdarlamalarynyń zamanaýi talaptarmen úilestirip, kóptegen jumystar atqarypty. Alqaly basqosýǵa qatysqanymyzda jańa mazmundaǵy bilim berý júiesimen qazirgi tańda Shyǵysta 1, 2, 5, 7 synyp oqýshylary bilim alyp jatqany aityldy. Aldaǵy jańa oqý jylynan bastap bilim berýdiń jańa mazmunyna 3, 6 jáne 8 synyp oqýshylary kóshpekshi.
2018 jyldyń 1 qyrkúieginen bastap Shyǵys Qazaqstan oblysynda «Meniń mektebim» jobasy aiasynda fizika, himiia, biologiia, informatika pánderi boiynsha zamanaýi 476 kabinet ashylady. Sonymen qatar óńir boiynsha oqýshylarǵa robototehnika salasynyń qyr-syryn úiretetin 272 kabinet jumysyn bastaidy dep kútilýde.
Budan basqa óńirdegi bilim berý salasyn damytýda ustazdar qaýymnyń biliktiligin kóterýge de basa kóńil bólinbekshi.
https://dalanews.kz/35068
