Alaıaqtar sý tasqynynan zardap shekken qazaqstandyqtarǵa ótemaqyny aýdaramyz dep attaryna nesıe rásimdegen, dep habarlaıdy Dalanews.kz.
Memleketten tólem jasaımyz degen jeleýmen sý tasqynynan zardap shekkenderge áldekim qońyraý shalǵanyn málimdedi. Bórli aýdandyq polısıasyna osyǵan qatysty shaǵym túsipti. Shabýyl jasaýshylar ózderin jergilikti atqarýshy organdardyń ókilderi, quqyq qorǵaý organdarynyń qyzmetkerleri nemese eriktiler dep tanystyryp, SMS arqyly kelgen qupıakodty aıtýdy suraıdy.
“Alaıaqtar kod jazýdy suraıdy, onyń kómegimen keıinnen ekinshi deńgeıli bankterge nesıe rásimdeıdi. Mundaı faktiler respýblıkamyzdyń birneshe oblystarynda belgili boldy. Olardyń aılalaryna túsip qalmańyzdar. SMS kodtaryn aıtpańyz nemese belgisiz nómirlerden kelgen beıneqońyraýlarǵa jaýap bermeńiz”, – delingen habarlamada.
