Elimizde alaiaqtar 1,5 jyl buryn kóz jumǵan balanyń atynan aqsha jinap kelgen. Jeti balanyń anasy Ońlasyn Asylbaeva oqiǵanyń qalai belgili bolǵanyn áńgimelep berdi, dep habarlaidy Dalanews.kz agenttigi Qazaq.today-ge silteme jasap.
Aitýynsha, kenje uly Dias Musa aýyr dertpen arpalysyp, ómirden ozǵan. Ol alaiaqtardyń áreketi áshkere bolardan bir kún buryn tús kórgen.
"Balam túsime kirdi. Ózi sondai muńly, jylap jatyr eken. Maǵan renjigendei boldy. Erteńine maǵan tanystarym áleýmettik jelidegi videony jiberdi. Sóitsem, alaiaqtar meniń ulymnyń sýretin qoiyp, qaiyrymdylyq qor ashqan eken. Balamnyń jany tynyshtalmai jatyr ǵoi. Olar ne úshin balamdy shyrqyratady?" – deidi kózine jas alǵan ana.
Shyn máninde, ata-anasy ulyn emdetý úshin eki jyl buryn ǵana halyqtan kómek suraǵan. Ol kezde 70 myń dollar jinalyp, 2024 jyly qarajat jinaý tolyqtai toqtatylǵan.
Diastyń ata-anasy jaǵdaidy esti sala politsiiaǵa aryz jazǵan. Quqyq qorǵaýshylar jalǵan qaiyrymdylyqpen ainalysqan adamdardy anyqtaǵan. Biraq olar áli ustalmaǵan. Qazir tergeý jalǵasyp jatyr.
