Alataý qalasynda zańsyz berilgen jer ýchaskeleri memleketke qaitaryldy, dep habarlaidy Dalanews.kz.
Prokýratýra málimetinshe, jer ýchaskeleriniń koordinattarymen jasalǵan manipýliatsiialar anyqtaldy. Keibir ýchaskeler zańsyz túrde Qaraoi aýyldyq okrýginen Baiserke aýyldyq okrýgine oryn aýystyrǵan. Prokýrordyń talap-aryzdary boiynsha olar memleket qoryna qaitaryldy. Jalpy aýdany 66,5 ga, kadastrlyq quny 1,8 mlrd teńge.
Osyǵan uqsas taǵy bir is sotta qaralýda, onyń aýdany 3,4 ga, kadastrlyq quny 96,9 mln teńge.
Sonymen qatar prokýratýra jalpy aýdany 236 ga, kadastrlyq quny 5 mlrd teńge bolatyn 21 jer ýchaskesin anyqtady.
Bul ýchaskeler zańsyz berilgen, al bir bóligi uzaq ýaqyt boiy nysanaly maqsaty boiynsha paidalanylmaǵan.
Qazirgi ýaqytta olardy memleket menshigine qaitarý jóninde sotqa talap-aryzdar joldandy.
Jer zańnamasyn qoldaný salasyndaǵy jumys Alataý qalasynyń prokýratýrasynyń turaqty baqylaýynda.
