Prezident tapsyrmalaryn júzege asyrý aiasynda premer-ministr Oljas Bektenovtiń tóraǵalyǵymen Alataý qalasyn damytý jónindegi keńestiń otyrysy ótti, dep habarlaidy Dalanews.kz.
Jiynda investitsiialyq jobalardyń oryndalý barysy, infraqurylymdy qamtamasyz etý boiynsha jumys qarqyny, sondai-aq, quqyqtyq ekojúige qatysty máseleler jáne adami kapitaldy qalyptastyrý tásilderi talqylandy.
Otyrysty ashqan premer-ministr Prezidenttiń Alatau City-di damytýǵa erekshe kóńil bólip otyrǵanyn atap ótti.
"Memleket basshysy Alataý qalasyn uzaqmerzimdi ekonomikalyq damýdyń jańa ortalyǵy retinde belgilep, jumys barysyn tikelei ózi qadaǵalap otyr. Sonymen qatar, jańa Konstitýtsiia jobasynda qala damýynyń negizgi qaǵidattary da qamtyldy. Elimizde arnaiy quqyqtyq rejimderdiń paida bolýy Qazaqstannyń uzaqmerzimdi ekonomikalyq múddelerine sai ári investitsiia tartýǵa jańa múmkindikter ashady. Alataý qalasyn damytý – erekshe mártebege ie, jedeldetilgen damýdyń zamanaýi tsifrlyq qalasyn qurýǵa baǵyttalǵan innovatsiialyq sheshim", - dep atap ótti Oljas Bektenov.
Bul rette elimizde arnaiy quqyqtyq rejimder paida bolýy eldiń ákimshilik-aýmaqtyq qurylymyna áser etpeitini basa aityldy. Aýmaqtyń turaqtylyq printsipi saqtalady ári mańyzdy bolyp qala beredi, bul onyń jańa Konstitýtsiia jobasynyń birinshi bóliminde – "Konstitýtsiialyq qurylym negizderinde" bekitilýimen dáleldenedi.
Premer-ministrdiń orynbasary Qanat Bozymbaev Alataý qalasyn damytý baǵytynda atqarylyp jatqan jumystar týraly baiandady. Qazir Parlamentte "Alataý qalasynyń arnaýly mártebesi týraly" Konstitýtsiialyq zań jobasy qaralyp jatyr.
Institýtsionaldyq baza qurýmen qatar investorlar úshin tartymdy orta qalyptastyratyn jáne qala ekonomikasynyń ósýine jańa serpin beretin júie quraýshy jobalardy iske qosý boiynsha praktikalyq jumys júrgizilip jatyr. Basym baǵyttar qatarynda qalanyń sáýlettik-iskerlik ózegi retinde Iconic Complex kópfýnktsionaldy keshenin jáne joǵary bilikti mamandar daiarlaityn ári ozyq tehnologiialardy damytý ortalyǵy retinde KAIST Kazakhstan tehnologiialyq ýniversitetin salý jobalary bar.
Jalpy investitsiialyq portfel ónerkásip, logistika, agroóńdeý, qyzmet kórsetý jáne kreativti indýstriia salalaryndaǵy jalpy kólemi shamamen 1,8 trln teńge bolatyn 44 jobadan turady. Olardy júzege asyrý 30 myńnan asa jumys ornyn ashýǵa jáne Alatau City turaqty ekonomikalyq orta qalyptastyrýǵa múmkindik beredi.
