Maqsaty: Qazaq halqynyń dástúrli óneriniń teatr sahnasyndaǵy damý úderisiniń kórinisin aiqyndaý.
Baǵyttary: Dástúrli ónerdiń negizgi aiqyndamasy; Qazaq sahnasyndaǵy dástúrli ónerdiń úlgileri; Dástúrli óner teatrynyń damý úderisi.
Moderator retinde konferentsiia jumysyn aitysker aqyn, Mádeniet salasynyń úzdigi, «Alataý» dástúrli óner teatrynyń direktory Rinat Rifhatuly Zaitov júrgizdi.
Sharada M. Áýezov atyndaǵy Qazaq ulttyq drama teatry direktory, ónertaný kandidaty, professor Erkin Tileýqululy Jýasbek, Almaty qalasy Qoǵamdyq damý basqarmasynyń Rýhani jańǵyrý jobalyq keńsesi direktorynyń orynbasary, filologiia ǵylymdarynyń kandidaty, professor Berik Myrzalyuly Júsipov, ónertaný doktory, teatrtanýshy, T. Júrgenov atyndaǵy Qazaq ulttyq óner akademiiasynyń professory Baqyt Kákiqyzy Nurpeiis, ánshi, ónertanýshy, Sháken Aimanov atyndaǵy «Qazaqfilm» kinostýdiiasynyń redaktory Erlan Muqataiuly Tóleýtai, aqyn, Qazaqstan Jazýshylar odaǵy basqarma tóraǵasynyń orynbasary Baqyt Bedelhan, M. Áýezov atyndaǵy Ádebiet jáne óner institýty Teatr jáne kino bóliminiń meńgerýshisi, ónertaný kandidaty Amankeldi Orazbaiuly Muqan, Qurmanǵazy atyndaǵy Qazaq ulttyq konservatoriiasynyń oqytýshysy, Qazaqstannyń eńbek sińirgen qairatkeri Erkin Tursynǵaliuly Shúkiman, M. Áýezov atyndaǵy Ádebiet jáne óner institýty, Mýzykataný bóliminiń meńgerýshisi, ónertaný kandidaty, qaýymdastyrylǵan professor Ainur Jasaǵanbergenqyzy Qaztýǵanova jáne Mádeniet salasynyń úzdigi, «Alataý» dástúrli óner teatrynyń kórkemdik jetekshisi Juldyzbek Aitqaliuly Jumanbai sóz sóilep, qundy pikirleri men keleli oilaryn aitty.
Konferentsiia kórermenderi tyń dúnielerge qanyǵyp, zor áser aldy deýge bolady.
Sonymen qatar Mýltimediialyq dástúrli mýzyka ortalyǵynyń «Qazaqtyń dástúrli mýzyka ónerin qalyptastyrǵan uly tulǵalardyń dombyralary» atty kórmesi boldy.
Shara 31 mamyr – saiasi qýǵyn-súrgin qurbandaryn eske alý kúnine orailastyrylǵan «Kez bolǵan soń ker zaman» atty mýzykalyq qoiylym-kontsertpen jalǵasty.
Qýanysh Jumabekuly
PhD doktory,
«Alataý» dástúrli óner teatry Ádebiet bóliminiń meńgerýshisi
