Alakólge jarty millionǵa jýyq týrist keldi
«Ótken jyly aýdanda týrizm salasy boiynsha 214 demalys ornynda 1 mln 19 myń adam demalyp, olarǵa 5 mlrd 811 mln teńgeniń qyzmeti kórsetildi. Biylǵy jyldyń jaz maýsymyndaǵy 1 shildege deiingi kórsetkishke súienetin bolsaq, 393 myń 500 adamǵa 2 mlrd 361 mln teńgege qyzmet kórsetilgen. Jazǵy demalys maýsymynyń qyzyqty mezgili endi bastalǵanyn eskersek, bul san aldaǵy ýaqytta eselene túseri anyq», – deidi Alakól aýdanynyń ákimi Álibek Jaqanbaev.
Rasynda, Alakól aýmaǵy ornalasý jaǵynan týrizmniń barlyq túrin qamtidy. Sondyqtan kóptegen týrist Alakóldiń emdik sýyna shomylý úshin jáne tartymdy demalys uiymdastyrý úshin aǵylady.
2018 jyly Alakól aýdany aýmaǵyndaǵy demalys orny 214-ti qurasa, biyl 998 mln teńge investitsiiaǵa 30 nysan qosylyp, barlyǵy 244-ke jetti.
Biýdjettik baǵasyna toqtalatyn bolsaq, adam basyna táýligine 3000-6000-ǵa deiin. Eń tómengi baǵa 2700 teńgeni quraidy.
QR Tuńǵysh Prezidenti, Elbasy N.Á. Nazarbaevtyń Alakól jaǵalaýyndaǵy infraqurylymyn damytý jáne Aqshi aýylynda týrister úshin qolaily jaǵdai jasaý týraly tapsyrmasyn oryndaý maqsatynda aldyńǵy jyly kól jaǵalaýynda quiylǵan investitsiia kólemi 4 mlrd-ty quraityn, jylyna 30 myń adamdy qabyldai alatyn kópfýnktsionaldy bes juldyzdy «Kóktem Grand Resorts» qonaqúi kesheni ashylǵan bolatyn. Sonymen birge týrizmdi odan ári damytý maqsatynda Úsharal qalasynyń kire berisinde «Úsharal» áýejaiy ashylyp, Taldyqorǵan-Óskemen-Qalbataý tas joly qaita jańǵyrtýdan ótkizilýde. Sondai-aq demalýǵa keletin týristerge qolaily jaǵdai jasaý maqsatynda oblys ákimdigi Jetigen-Dostyq-Jetigen temirjol qatynasyn sýbsidiialaýdy josparlap otyr. 2018 jyly Alakólge demalýǵa kelgen týrister sany 1 mln-nan assa, 2019 jyly bul kórsetkishti 1 jarym mln-ǵa jetkizý kózdelip otyr.
Alakól týraly tańdy-tańǵa uryp baiandai berýge bolady. Alaida múmkindigińiz bolsa, eń bolmasa bir ret óz kózińizben kórgenińizge ne jetsin!? Ýaqyt taýyp Jetisý óńirine, Alakólge saiahattańyz!
