Aktsiianyń basty maqsaty: áleýmettik az qamtylǵan jáne kóp balaly otbasylardan shyqqan, ata – anasynyń qamqorlyǵynsyz qalǵan oqýshylarǵa jańa oqý jylyna daiyndyq kezeńinde materialdyq jáne basqa da kómek kórsetý bolyp tabylady. Osy oraida, aýdan ákimdigi jáne bólim – mekeme basshylary, Alakól aýdanynyń bas imamy Á.Omarhanuly, Úsharal qazaq gimnaziiasynyń ustazdary, ata – analary men jeke kásipkerleri jáne №31767 «G» áskeri bóliminiń áskeri qyzmetshileri bir jeńnen qol, bir jaǵadan bas shyǵaryp, jalpy 500 den astam balaǵa kómek qolushtaryn sozǵan.
«Saf altyndai tazalyq pen meiirimdilikke, jumsaqtyq pen keshirimshildikke úndeitin asyl dinimiz ata dástúrimizben úilesim taýyp, tamyryn tarih qatparynan tartyp keledi. Búgin, bir Allanyń razylyǵy úshin saýapty isterge at salysyp, aýdandyq meshit jamaǵaty da respýblikalyq «Mektepke jol» qaiyrymdylyq aktsiiasy aiasynda 50 oqýshyny mektep formasy jáne mektepke qajetti qural – jabdyqtarymen qamtamasyz etti. Jalpy, meshit qyzmetkerleri jylda «Mektepke jol» aktsiiasyna belsendi qatysyp, kómekke zárý jandardyń alǵysyna bólenýde.» - deidi, aýdannyń bas imamy Ánet Omarhanuly.
«Qoly ashyqtyń – joly ashyq» - degendei, Qaiyrymdylyq — kóp maǵynaly túsinik. Ol muqtaj jandardyń qajetin óteýdegi izgiliktiń naqty kórinisi.
««Mektepke jol» respýblikalyq aktsiiasy elimizdiń barlyq óńirlerinde aǵymdaǵy jyldyń 1 tamyzynan bastap 30 qyrkúiek aralyǵyna deiin ótkizilip, álide jalǵasyn taýyp keledi. Osyǵan orai, Úsharal qazaq gimnaziia mektebiniń ujymy 15 otbasyna 150 myń teńge kóleminde azyq – túlik pen 90 myń teńgege kiim – keshek túrinde járdemdesti. Sonymen qatar, mektebimizdiń ata – analary da 122 myń teńgege kiim – keshek pen oqý quraldaryn áleýmettik az qamtylǵan oqýshylarǵa tabystady. Bir aita keterligi, aýdan boiynsha bólingen demeýshiler tarapynan eki oqýshyǵa 71 myń teńge kóleminde kómek kórsetilinse, óz tarapymnan 40 myń teńge kóleminde oqýshyǵa kómek kórsettim. Jalpy, aktsiia aiasynda 473 myń teńgege jýyq qaiyrymdylyq kómek kórsetildi.» - deidi, mektep direktory Qorlan Qusainova.
Dana halqymyzdyń: «Biter istiń basyna, jaqsy keler qasyna» - degen ataly sózi bar. Bolashaq urpaqqa úlgi – ónege bolar osyndai igi isterdiń atqarylýy aýdan azamattarynyń úlesi.
«Bul aktsiianyń eń jaǵymdy jaǵy kózderi qýanyshqa toly baqytty balalardyń júzderin kórý. Jas búldirshinderdiń ómirin alańsyz jáne baqytty etý – bizdiń basty maqsatymyz. Sol sebepti, №31767 «G» áskeri bóliminiń áskeri qyzmetshileri de qaiyrymdylyq aktsiiasynan qalys qalmai óz úlesterin qosyp, mektepke kietin kiim-keshek, sabaq barysynda qoldanatyn qajetti qural-jabdyqtaryn alyp berdi.» - dedi, №31767 «G» áskeri bólimi komandiriniń tárbie jáne ideologiialyq jumystar jónindegi orynbasary k-n Miras Kaliýllin.
