Maıly daqyldardyń barlyq túrlerin óńdeıtin zaýyttyń jalpy quny 450mln. teńge, onyń ishinde 130mln. teńgesi «QazAgroQarjy» AQarqyly qarjylandyrylǵan. Jobanyń jalpy qýattylyǵytáýligine 40 tonna maıly daqyldardy óńdeıdi.
Oblys ákimi A. Batalovzaýyttyń ashylý saltanatynda:
– Elimizde ósiriletin soıanyń 95 paıyzy Almaty oblysynda ósedi. Óńirimizde soıa óńdeıtin tórt zaýyt bar. Bul – besinshisi. Elbasy eldi mekenderde asa aýqymdy bolmasa da osyndaı 30-50 adamdy jumys ornymen qamtıtyn shaǵyn zaýyttardy iske qosý qajettigin tapsyrǵan bolatyn. Sondyqtan mundaı kásiporyndardyń sanyn áli de kóbeıtetin bolamyz, - dedi.
Soıa ósiretin sharýa qojalyqtarynyń aıtýynsha, buǵan deıin ósirgen ónimderin ótkizetin oryn tabý qıyndyq týdyratyn jáne ótkizgen kúnniń ózinde arzanǵa ketetin. Al jańa ashylǵan bul zaýyt dıqandardan ónimdi 1 tonnasyn 140 myń teńgeden qabyldaıdy. Bul sharýalar úshin de asa tıimdi bolyp otyr.
Zaýyt tehnology Oljas Batyrhanov:
- Aýylymyzda maı zaýyty ashylǵany jergilikti turǵyndarǵa qolaıly boldy. Osy zaýytta 32 adam turaqty jumys taýyp otyrmyz. Jalaqymyz 100 myń teńge kóleminde. Kásiporyndar kóbeıgen saıyn halyqtyń da turmys jaǵdaıy jaqsara túsedi. Sondyqtan bul – biz úshin asa úlken oqıǵa, - dedi.
Osy saparynda oblys basshysy A. Batalov «Agrımer – Avto» jaýapkershiligi shekteýli seriktestiginiń soıa qabyldaý pýnkti jumysymen de tanysyp qaıtty.
Almaty oblysy ákiminiń baspasóz qyzmeti.
